لاوالله انا للحين ما استخدمته لأني ناوية اسوي حمام مغربي بعد بكره عشان المسام تتفتح عندي ثم استخدمه
يعني مثل ما قالت الاخت توليب عن بنت خالتها حمام مغربي.حمض الساليسليك. كريم21 مع ماء الاكسجين ... احب ارتب جدولي حتى استفيد ان شاء الله
طبعاً الاخت توليب ذكرت ان نخلط مع الصابون المغربي زيت اللوز وانا اضفت الحناء والليمون
على طريقة الاخت المغربية ووالله شفت لكم الخلايا الميته تطلع من جسمي مع ان ما عندي بانيو
ولا بخار بس شطفت جسمي بماء دافئ اقرب للساخن بس مثل ما قالت توليب ما يكون ساخن مره
بس يكون اعلى من درجة حرارة الجسم بدرجتين حتى ما تسود البشرة وتجف
ثم حطيت الصابون المغربي مع الحناء على وجهي وجسمي ووجهي بالذات شطفته بسرعه والله على النعومه
اللي لمستها في بشرتي تقولين كأني مسويه تنعيم كريستالي والله العظيم ايدي تتزحلق
ثم شطفت جسمي وبديت بالصابونه المغربية وطلعت لي بلاوي..بس لازم تحطون مرطب
بعد الحمام على الجسم والوجه عشان ما يجف ...انا جسمي جف لأني ما حطيت بعده ترطيب
بس وجهي حطيتله مرطب كاثي دالاس وهذا وصفته لي دكتورة اخصائية بشرة
المهم حبيباتي انا قعدت اثرثر بس حتى اقولكم تجربتي وتستفيدون زيادة
وابي اقولكم بعد اني قابلت بنت في عيادة يوم شافت حمض الساليسليك معي قالت هذا وصفته لها
دكتورة عشان يخلصها من بقع الحبوب والبثور بالوجه وقعدت تمدح فيه

ماقصرتي حبيبتي

هذا يالغالية يقشر المناطق الغامقة بالجسم راجعي مواضيع الغالية توليب وبتعرفين عنه اكثر
بس لا تستخدمينه على الوجه فقط الجسم اعتقد بس الركب والاكواع بس انا بغامر وبحط على بطني
حشى صاير متنح ومسمر :09: ناقصته انا

الف شكر لك ياجواهر ولاتنسين علمينا ع النتايج اذاجربتيه:)