صورة لقيماتي المتوحشة خوفتني وخوفت زوجي يافشيلتي بس (مساعدة وفلة حجاج)

طبعا زوجي كل يوم يحن علي ابي لقيمات وانا بما اني ماعرف اقوله ذي اكله القراوى وقديمه محد ياكل لقيمات مستحيه اقوله ماعرف لازم ارقع لنفسي وعاد امس 17 رمضان قلت مافيها 17 يوم تصريف ضربطت الرقم القياسي وفي حياتي مافكرت اغامر واسويها وعلى ان امي فنانة لقيمات بس من نوع اللي يحط ويعجن بنظر بسم الله عليها فما فيه امل اسئلها والله اشمر الكموم واخذ هالوصفه قلت منال العالم اكيد مضبوطه وعالميا ماراح تخربط بطاطس و طحينه و اللي تقول كاستيرد واللي تحط كريمه قلت ابي شيء ستاندرد يعني اللقيمات القديمه اللي مافيها بربسه وماحبها تتكسر بالفم او تتقرمش ابيها لينه ووالله واعجنها وتطلع رخوه مره لااني احط المويه بنطر وماضبطت ابد وانا تركتها تتخمر نص ساعه وماتنفشت إلا شوي واصبر والمهم قلت مايبيلها لازم ابدا القمها وتجيك الكارثه والحواق وحومة التسبد شيء يتمطرس وشيء يطير وشيء يطلع حلزوني وامتلى الزيت خيوط وطلعت بهذا الشكل المرعب طبعا بعض الاشكال رميتهم على طول خفت زوجي يجي يوشفهم ويضحك علي عاد قعدت اقوله اصبر شوي مابعد خلصوا وهو ينادي انا بغيت اخشهم بس كفشني بالمطبخ قال جيبيهم وعلى الله
DSC00877

DSC00878

هذي مقاديري وطريقتي زي ماقلت انا ماعندي عجانة خلطت بيدي بعدين خلطتها بالعجانه الكهرباء اللي تنمسك باليد من فوق تتوقعون هي المشكلة ؟

المقادير:


1كاس دقيق ابيض
نصف كاس نشاء
خميرة فوريه
ذرة سكر
قليل من الزعفران
ذرة ملح
الطريقة :
تخلط جميع المقاديرالجافةثم تعجن بماء دافي وتخلط بالخلاط الكهربائي او اليدوي حتى تتكون عجينه لينه اثقل من خليط الكيك بشوىوتترك لتخمر وتقلي في زيت متوسط الحرارةحتي تستوي من الداخل والخارج ثم توضع في الشيرة او يرش عليها سكر بودرة

طبقتها ولا ضبطت وش تتوقعين السبب