صورتي اناوزوجي عند الشغالة

السلام عليكم ورحمة الله وبركاته
ياليت من المشرفات مايحذفو الموضوع وتجلس بالقسمين (الاجتماعي _والاسري)
بنات الله يسعدكم بحكم خبرتكم مع الشغالات قولولي الحل السليم مع هذي الشغالة
انا ماعندي شغالة ولله الحمد:32: لكن في بداية السنة اظن في صفر جات عندي جدة زوجي وعندها شغالة(نورة) وقعدت عندي اسبوع والمهم اني فقدت بعد خروجهم من عندي اسوارة ذهب حق بنتي :22:وسكت وقلت حرام اشك في الشغالة(نورة) لكن اظن انها هي الي سرقته لانة حصل موقف اكد لي انها هي والله اعلم :angry2:
لكن امس قالت لي ام زوجي انها لمن سافرت شغالتها(سعادة) لقت معاها صورة ولدها عند شغالتها وقالت لها حتى شغالت امك(نورة) عندها صورة مدام ام شوق سوىسوى بابا شوق :eek:
طبعا ام زوجي نسيت الموضوع هذا:o وشغالتها(سعادة) سافرت بعد العيد وماقالت لنا الا امس بالليل الموضوع هذا
طيب انا خايفة تكون شغالتها(سعادة) قالت الي سار معاها لشغالت جدة زوجي(نورة) وتكون اتصرفت بالصورة الي عندها:22: وانا من امس قلقانة ومتوترة وابغى حل مع هذه الزفتة الوقحة
والشي الي مخبلني كيف دخلت غرفة نومي واخذت الصور رغم انه بيتي صغير والغرف جنب بعضها وانا كنت موجودة بالبيت وماخرجت ابدا :(
زوجي قال يبغى يفتش في اغراضها قبل ماتسافر وميعاد سفرها في محرم واحس انه هذا الحل مو مقنع
وانا حيرانة الله يسعدكم قولولي حل مقنع عشان انقذنفسي وزوجي من بلاويهم
وانا في انتظار ارائكم :(
ولاتبخلو علي ولو بدعوة