انا نفسي اعرف متى بدا عندنا التصوير لاني ماشاء الله اشوف حريم كبار عندهم صورهم وهم صغار ياليت اللي عندها خبر عام كم بدا

ههههههههههههه خليها مستوره متبريه من صوري كلها ههههههه

عندي صور شكثر العائله الكريمه واحنا صغار انا واختي الكبيره نصور مع بعض يالبا امي تلبسنا نفس الملابس ونفس الشعر في وحده من صور مت عليها ضحك اختي الكبيره ماسكه كتاب قصص على انه تقراء وهي بعدها مادرست نعلق عليها نقول مجتهده للمدرسه اما صور اخواني نكته وهم عليهم ملابس الرياضه واشكالهم صغار وحركاتهم في الصور تموت ضحك
اول صوره لي وخواتي مصورين عند مصور نسوي جوازتنا ولبسين فساتين العرس هههه ماعندنا وقت اي ياحلوه من ايام
اسفه طولت وسلامتكم

عندي صوري من لحظة خروجي من بطن امي الى اول جلوسي لوحدي الى حبو الى المشي الى الركض الى اول ابتدائي الى المتوسط الى الثانوي الى الجامعه الى ملكتي الى زواجي الى حملي الى ولادتي والى والى والى والى الى رابع يوم العيد هاد طبعا تتغير الموضات والتسريحات والقصات بختلاف مراحل العمر صوري حلوه مضحكه مبكيه فيها عبق التاريخ ورائحة الحنين فيها البراءه والحب والسعاده من اجمل ايام حياتي عندي صور فيها عبره خانقه وصور ضحكه عارمه وصور بصمتها كلام وصور بكلامها بلاغه اااااااااه ااااااااه على ايام كانت من اروع الايام واجملها بس اجمل صوري صوره بقمة البراءه على شط جازان وراي شخص يغرق واخوي يصورني وبس اخذنا الصوره رحنا قلنا لابوي ينقذه والحمد لله لحق عليه قبل لايودع هههههههه والصوره المخزيه كنت لابسه نظاره شمسيه وجالسه عكرسي الحمام الافرنجي وبيدي علبة شامبو بيرت بلس وناكشه شعري كاني اصور دعايه هههههه اما الصوره المبكيه لبنات صفي بثالث تانوي اخر يوم ليه بالسعوديه ربي يذكرهم بكل خير ويجمعني معاهم بجنات النعيم اما اهبل صوري وافضحها على الاطلاق يوم العيد كنت باول متوسط بابها وتحديدا بالحبله وكنت راكبه التلي فريك ومغمضه عيوني وطالع لساني وواقف شعر راسي من الخوف وبنفس الوقت ماسكه جزمتي لانها كعب واول مره البس كعب وحابه اطلعها بالصوره ااااااااه عايام الهبل قلبتو مواجعي ااااه اخنقتني العبره ااااااه ياربي

اممممم اولاً مرحبا ومليون هلا بالغاليه نوشتنا ,,,
كيفك وكيف الاهل والبنوته العسل ,,والنونو مادري بنت والا ولد ...!!

لاتلوموني مبطيه عن الحبايب ,,

انا ماعتبر صوري فضيحه بالعكس علا وقتنا كانت روعه ...انا عندي صوره لي ولخواتي لابسات منفووش ابيض وجالسات وموزعات الفستان عشان يبان انه منفوش والقرنين حدث ولاحرج والقصه والخنافس مغطيه الوجه كله ... <<<وش الخنافس ؟؟

وكانت معضم صوري حاطه يدي علي خدي مادري وش احس فيه .. ياحلوها من اياام