الشهر المبارك علينا وعليكم اللهم اجعلنا من صوامه وقوامه
اليوم سويت فطاير مشكلة وشوربة كويكر ( مطعم الرومانسية )
وماشاءالله ضبطتها وطلعت نفسها ونفس الطعم والنكهة
ما اطول عليكم واليكم الصور والمقادير والطريقة
مقادير الفطاير :
في العجانة :
كاس ونصف دقيق
3 ملاعق حليب
3 ارباع فنجال سكر
نص ملعقة صغيرة بكنج باودر
ملعقة طعام خميرة
كاس وربع ماء
الطريقة :
جميعهم بالعجانة وتخلط ب مضارب الكيك تبع العجانة
وبعدها تغطى بغطاء الزبدية وتترك ربع ساعة
وبعد ان يتضاعف حجمها نرجع للعجانة ونغير الشفرات
ونضع شفرات العجانة ونشغلها
ويضاف للخليط 3 ارباع بيالة زيت مع دقيق بالتدريج الى ان يتكون لدينا
كتلة من العجينة المتماسكة والمطاطية ويجب ان تخلط لمدة 5 - 8 دقائق
ثم تغطى جيدا بنايلون وتترك ساعة او اقل بقليل ثم تستخدم لاكثر من غرض
طريقة البرقر البيتي :
طريقته جدا سهلة :
دجاج مفروم جاهز والافضل اللي يكون بصحن فلين ( والكمية انا بصراحة
انا حطيت كمية كثيرة وفرزنتها ) انتم عاد على حسب افراد الاسرة ..
المهم يخلط معه بقدونس وبصل اخضر وشبث ( بس انا ماحطيتهم ولدي مايحبهم )
ملعقة او ملعقتين دقيق وبهارات وفلفل اسود وثوم بودرة وبصل بودرة وملح وشوي زيت
تعجن كل المكونات ثم تشكل على هيئة اقراص صغيرة ثم تقلى بمقلاة فيها قليل من الزيت
وتقلب على الجهتين الى ان تنضج ثم تحشى بخبز الفطائر ويضاف له
صوص الصلصة الفرنسية وصلصة الرانش وتجمل بالخس ..
وبالهناء والعافية
##########################################
شوربة كويكر ( نفس شوربة مطعم الرومانسية اللذيذ جدا ) :
مقاديرها وطريقتها :
طبعا المطعم يخلونها شبه مطحونة ومافيها قطع بصل ولاطماطم
وانا بطريقتي بدون مقاييس احضرت خلاط الطماطم ووضعت فيه طماطم وفلفل اخضر
واضفت عليهم شوفان كويكر تقريبا 4 ملاعق ثم مكعب ماجي وبهارات وفلفل اسود اهم شي
كثرت منه شوي وايضا صلصة وسكبت عليهم ماء لحد ما انغمروا تماما وخلطتهم بالخلاط
بعد كذا احضرت قدر ووضعت فيه بصل مفروم حمسته على النار لحد ماتشقر ثم بعدها اضفت عليه
دجاج مفروم وحركتهم زين لحد مااستوت قليلا وتفتتت وهذا اهم شي وبعدها سكبت الخليط عليهم
وخليتهم شوي يغلون وزدت عليهم ماء وخليتهم ع النار يغلون وبعد الغليان وطيت النار وخليتهم
لحد مالشوربة استوت وبعدها اضيف عليها كزبرة خضراء مفرومة واقلبها واخليهم ع النار 10 دقائق وبعدها
اقدمها بصحن والطعم والله نفس شوربة مطعم الرومانسية اللذيذ جداااا جدااااا ..
وبالهناء والعافية ..
ان شاءالله موضوعي ينال رضاكم يارب
ادعوا لي بالشفاء العاجل انا وجميع مرضى المسلمين لاحرمكم الله الاجر