صور بيتي

السلام عليكم..
بنات انا من كم شهر نقلت لشقه جديده. يمكن اغلبكم عارف قصتي وليش نقلت
سالفه اني شقتي هذا ماقد صورتها ولا ارسلت صورها لاحد..حتى زوجي حلفته مايصور ولا شي في الشقه.طبعا انا متاكده ان زوجي ماصور وانا ماصورت
طبعا بنتي عندها ايباد ودايم تصور نفسها واخوها ..بس انا مراقبه ايبادها وشايفه كل صور الي فيه طبعا صور عادي ماتوضح شي بالبيت..لاني مفهمه بنتي انها ماتصور ولا قطعه في البيت..وبنتي تفهم ودايم لما تصور تجي تقول ماما انا صورة هذا .واشوف صوره مايكون واضح فيها شي من البيت اقصد لما تصور نفسها ولا تصور اخوها تكون الخلفيه يا جدار يا كنبه جالسه عليها..
انا قلت الي فوق🖕 عشان توضح صوره
سالفه انو بالعيد كنت مجتمعه مع حمواتي خوات زوجي
طبعا خوات زوجي جو عندي في شقتي بس واحده منهم مادخلت شقتي الجديده ابد..واول ماسكنت طلبت مني صور لشقه ورفضت اني ارسل لها وصرفتها
قلت اذ زرتيني بتشوفي الشقه..ومن يومها ماعد طلبت صور
المهم بالعيد واحنا مجتمعين في بيت اهل زوجي. زلق لسانها وقالت شفت صور شقتك وعجبني المطبخ..انا عيوني صارت كذا😨..وقلت لها وين شفتيها..قالت في ايباد بنتك..قلت لا بنتي ايبادها مافي صور للبيت ..وخلتني اشك ورجعت البيت اخذت ايباد بنتي واقلب الصور مافي صور للبيت
انا شاكه انو احد مصور لها من وراي..ومتاكده مو زوجي لاني سالته وحلفته بلله وحلف انو ماقد صور ولا ارسل
بتقولون ليش خايفه صور بيتك توصل لها ..انا ماعندي مانع لو جات وشافت البيت بس ان صور تكون في جوالها لا ..لانها من نوع اذ كانت بجلسه تحب تفرج ناس ع الي عندها بالجوال..
..وانا عانيت من الحسد كثير في شقتي الاول وتعبت مررره بسبب ها شي.
وكانت شقتي القديمه سيرتها ع كل لسان
وكانت صور شقتي القديمه في جوالها لاني انا وقتها كنت ع نيه وطيبه لدرجة الغباء ورسلت لها صور.
والكل شاف شقتي القديمه والكل كان يمدحها والبركه فيها ماخلت احد الا فرجته ع صور..
..وماحبيت ان ارجع لنفس المعانه الي كنت فيها بسبب الحسد
انا كنت ماخذ قرار.. ان بيتي مايتصور ابد وانا الي بيجني مايشوف غير شي ظاهر في البيت اماسالفة اني اصور وارسل لناس لا..
انا الحين كيف اعرف اذ صور بيتي في جوالها ولا لا..
لان طبعا مستحيل اقولها اعطيني جوالك ماراح تعطيني ..بس كيف اعرف اذ صور بجوالها ولا لا
ورجاء لاتدخل وحده وتقول ترها صور شقه ماتستاهل
بقولها الي ماجربت وعاشت في المعانه الي كنت فيها لاترد ولا تعب نفسها..