السلام عليكم ورحمة الله بركاته
كيفكم بنات ..
لايروح بالكم اني اقصد بيوتكم وتأثيثكم لها
لا والله
بيوتكم وتأثيثكم لها رائعه وياما استفدت منكم كثير
بس اللي اقصده بالعنوان هو حجم الصور
كثير بنات يفرحون وهم ينزلون صور بيوتهم ويبغوننا نشاركهم في آرائنا
واللي تبغى تستشير وتنزل صور من بيتها علشان نساعدها
ولكن لمن ندخل الموضوع ونشوف الصور نتفاجأ بحجمها الكبير جداً
ونقعد ننتظر
وننتظر
وننتظر
وننتظر
وننتظر
والصور باقي ما اكتملت
ونكمل انتظار
ونروح نفتح صفحه ثانيه للمنتدى ونرد على المواضيع وننتصفح
ولازالت الصور تتكمل
واخيراً
وبعد جهد جهيد وصبر .. اكتملت صور العضوة
فليش يابنات ما تصغرون صور بيتكم قبل ما تنزلونها هنا ؟
انا راح اعلمكم شلون تصغرون صور بيوتكم
وياليت بنات قبل ما تنزلون اي صورة تصغرونها علشان كلنا نقدر نتفرج للصور بدون ما نطفش من كبرها
بسم الله أبدأ :
1- بعد ما تنزلون الصور على الجهاز روحوا عند الصورة و (كلك يمين او بضغط زر الماوس الايمن )
وافتحوه باستخدام الرسام مثل الصورة
------------------------------------------
2- راح تنفتح الصورة باستخدام برنامج الرسام وراح تشوفون الصورة كبيرة جداً
اضغطوا كلمة تغيير الحجم ( تلاقونه اما واضحه قدام عيونكم او دوروا عليها في القائمه ملف او تحرير )
----------------------------------------
3- بعد ما تضغطون كلمة تغيير الحجم امسحوا الرقم 100 من الأفقي والعامودي
وجربوا تحطون 50 او اي رقم من 10 الى 90 بس انا افضل دائماً اجرب 50 في الأفقي والعامودي
وبعدين اضغط موافق .. وراح تصغر الصورة شوي
وبعدين مره ثانيه اضغط على كلمة تغيير الحجم واحط الأفقي والعامودي 50 وبعدين موافق
وراح تصغر الصورة بعد
انا ماراح اقيدكم برقم معين بس انتم حطوا الأفقي والعامودي نفس الرقم وبعدين موافق واذا حسيتم ان الصورة
لازالت كبيرة اضغطوا كلمة تغيير الحجم مره ثانيه وثالثه ورابعه حتى توصلون للحجم اللي انتم تبغونه ...
واذا حسيتم انكم غلطتم وتبغون ترجعون حجم الصورة روحوا عند القائمه ملف او تحرير
واضغطوا كلمة تراجع ..
المهم
انكم تصغرون الصور من كلمة تغيير الحجم ويكون الأفقي والعامودي بنفس الرقم
يمكن البعض عنده بدل كلمة الأفقي والعامودي يكون الطول والعرض .
على فكرة :
الأفقي والعامودي اللي تغيرونهم هم التابعين ( لتغيير الحجم ) مثل اللي حددتهم بالصور
اما الافقي والعامودي ( تبع الأنحراف بالدرجات ) مالكم شغل فيه خلوهم مثل ماهو صفر
------------------------------------
4- بعد ما تصغرون الصور وخلاص .. احفظوها عندكم بالجهاز
واعملوا كذا في كل الصور اللي بتنزلونها
بعد ما تخلصون رورحوا عند مركز تحميل عالم حواء وانا افضله كثير تدرون ليش؟
1- لانه راح يكتب اسمك واسم المنتدى على الصور .
2- تقدين تحملين 10 صور مره وحده
3- راح يكون عندك مجلد خاص فيك بمركز التحميل يحفظ لك صورك
4- يحفظ الصور للأبد .. لو تلاحظون بعضكم ينزل صور وبعد مدة تختفي الصور من الموضوع
هذا لان بعض مراكز التحميل تحفظ الصور عندها مده معينه وبعدها تنحذف
اما مركز تحميل عالم حواء فاراح يحفظ الصور بموضوعك للأبد .. وماراح تختفي الا اذا انتي حذفتي
الصورة من مجلداتك
-------------------------------------------
5- بعد ما تضغطون كلمة مركز التحميل .. راح ينفتح لكم المركز
دخلوا اسمكم وكلمة المرور
وبعدين اضغطوا كلمة تحميل الملفات
------------------------------------
6- بعد ما تضغطون كلمة تحميل الملفات .. اضغطوا استعراض اللي حددتها بالأحمر
وحطيت عندها رقم 1 .. وحطوا كل الصور اللي تبغون تنزلونها
وبعدين اضغطوا كلمة تحميل وراح تتحمل
وبعد ما تتحمل راح تشوفون الصور .. بس ماعليكم منها ابداً
روحوا اضغطوا كلمة مجلداتي اللي حددتها بالاحمر وعندها رقم 2
-----------------------------------
7- بعد ما تضغطون كلمة مجلداتي .. راح تروحون عند كل الصور اللي حملتوها
الصورة اللي تبغون تنزلونها اضغطوا عليها ضغطة وحدة
بعد كذا راح تنفتح لكم صفحه فيها الصورة والروابط حقتها
انسخوا الرابط المباشر مثل ماهو واضح بالصورة
-------------------------
8- بعد ما تنسخون الرابط روحوا موضوعكم واضغطوا ايقونة ادراج الصورة اللي هي هذي
وامسحوا الموجود فيها والصقوا الرابط حقكم وبعدين موافق .
وبعيدن ارجعوا لمركز التحميل واضغطوا على الصورة الثانية واذا انفتحت انسخوا الرابط المباشر
وارجعوا لموضوعكم واضغطوا الايقنة تبع ادراج صورة وامسحوا الموجود فيها والصقوا الرابط وبعدين موافق
وهكذا مع كل صورة حتى تخلصون من كل صوركم
بعدين نزلوا موضوعكم وراح ترتاحون واحنا العضوات راح نرتاح من حجم الصورة الكبير
اتمنى من كل وحدة تدخل ترفع الموضوع مو علشان شي
بس علشان يستفيدون اكبر عدد ممكن من العضوات
وترى الرفع ببلاش مايكلفكم شي خخخخخخخ
هذا موضوع ينتظر زيارتك
مكتبة عالم حواء للبرامج والكتب والخاصه بالديكور وتأثيث المنزل حصري لمنتدانا
ههههههههههههههههههههههههههه
وانا جاية مدرعمة ببدي رايي بموضوع الصور لبعض بيوت العضوات
ثانكس ع المجهود