موتر جدي
يعطيك العافيه على كلامك الحلو
بالنسبه للطرق السينابون عجينة العشر دقايق بعد الفرد دهنتها زبده لينه موذايبه ورشيتها سكر بني وقرفه وسكرقرفه واخذت شوي نوتيلا بكيس وفتحته فتحه صغيره ومشيت بخطوط نوتيلا فوق القرفه ولفيتها وقصيتها بالخيط واخليها تخمر شوي وادهن الوجه بصفار بيضه وملعقتين حليب مذوبه فيها نسكافيه ذره بس وآخر شي ارش الوجه قرفه وسكر بني وادخلها الفرن

بسبوسه محشيه
هي بسبوسه دبل قشطه اخذتها من النت تنفع لصينيه كبيره احسن لان بقوالب الميني خلصت البسبوسه بس الخلطه البيضا زادت عندي طلع معاي 24 قطعة بسبوسه المقادير :
البسبوسه 3 بيض فانيليا علبة قشطه نص كوب زيت نص كوب سكر بالخلاط لماتتجانس ونضيف لها كوب سميد ناعم وملعقة باكينج باودر ورشة هيل وزعفران

نصب نصها بالقالب الكبير اوقوالب الميني وندخلها الفرن خمس دقايق على مانسوي الخلطه البيضا ومقاديرها 2كوب ماءوربع كوب سكر ونص كوب حليب بودره و6حبات كيري و5ملاعق نشا وربع كوب ماء ورد نخلطها بالخلاط وبعدها نحركها على النار حتى تثقل وآخر شي نضيف لها قيمر ونحركها بسرعه وصبها على البسبوسه ونضيف الباقي من البسبوسه وندخلها الفرن حتى تتحمر ونسقيها شيره

فيكتوريا كيك
كيك فانيلا جاهز بعد الخبز نقصها من النص ندهنها بصلصة باي فيلنق فراوله اومربى دهنتها بمربى فراوله وفوقها الكريمه ظرفين دريم ويب وربع كوب حليب بارد و3 جبن كيري وآخر شي نرشها سكر بودره

تشيز كيك النوتيلا طريقة ام ريما الله يعطيها الصحه والعافيه طبقة بسكوت وزبده والتشيز علبتين نوتيلا وسط 2جبن فيلادلفيا 300 جرام اربع ملاعق سكر بودره ونص كوب حليب سايل وظرفين جيلاتين مذوبه بربع كوب ماء ساخن والتزيين شوكولاته بيضا

كب كيك ريدفيلفيت جاهز وبعد الخبز خفقت كريمة الجبن جت بنفس العلبه واضفت لها ظرف دريم ويب وزينتها بفراوله غمستها بشوكولاته سايحه ورشيتها سكر بودره

آخر شي كيكة شوكولاته جاهزه خبزتها وقسمتها نصين وحشيتها بكريمة نوتيلا مقاديرها :

نص كوب نوتيلا وملعقة طعام حليب سائل و1وربع كوب سكر بودرة واصبع ونص زبده بحرارة الغرفه حشيتها من النص وغلفتها كامله وغطيتها بشوكولاته سايحه وزينتها بمربعات شوكولاته خام وخططها بشوكولاته بيضا

انتهى واي سؤال انا حاضره

يمممي يمممي
شكله مشهي ما شاء الله
تسلم ايييدك
وعوافي على قلوبكم

الله يسلم ايديكي اختي بس ياريت اللي ينزل وصفات يكتب الطرق عشان الكل يستفيد

الله يسلمكم حبايبي 
زهرة الكاميليا الطرق كلها موجوده حبيبتي وبالتفصيل كتبتها اتمنى الكل يستفيد نورتي موضوعي 

ما شاء الله مبدعه
شهيتيني فيها وانا مسويه ريجيم