اموووووت في الطيور

وعندي مجموعه منها

الله يبارك لك فيهم

ماشاء الله حلوين مرة ، أختي إيش هو الزغاليلاللي قلتي عنهم ، عندي أنا كمان طيور الحب بس تعبت من الإهتمام بهم أحسهم ناعمين وعلى طول يمرضوا وإذا مل عطيته الفيتامينات واهتميت يبدأو يموتو ، عشان كذا نفسي أستفيد من خبرتك

الله يخليهم لك

<< مستحيل تربي حيوانات

ياحظك لك خلق

:27:

هلا والله بالغاليات
Miss Rose الببغاء إذا بغيتيه يتكلم الأفضل إنك ماتخليه يخرج ويتوالف معك .. يعني هذا اللي في أول صوره ماشاء الله عمره صغير وما أخرجه بس تعلم كلمة بابا والسلام عليكم عن طريق ترديد الكلمه أمامه ولما يقولها بعطيه لوزه .. والأكل اللي عنده الحب والماء بس وأي شي أزيده له أعطيه وأنا أكلمه .. ذحين إذا مر زوجي جنبه يقوله بابه يعني يبغى لوز لأن زوجي أكثر واحد يعطيه وهذا زي ( التعلم الشرطي ).
أما الثاني ( الكوكاتو ) الله يذكره بالخير:06: كبير في السن وأخذته متوالف على الناس ولما يجوني ضيوف مسكين مايقدر يقاوم يفك باب القفص بمنقاره ويخرج والحريم يصارخون آخر شي قفلت عليه بقفل وحطيته جنب التلفزيون وبعد مامشي الضيوف لقيته ماكل أسلاك التلفزيون من القهر.
وسبق ذكرت قصصه هو حبوب مره ويلعب مع الصغار ويشرب شاي وإذا أعطيته عيش بيدخله في فنجان الشاي وياكله ومتعلم كلمة بابا فقط بس يرقص على الأناشيد لكن لما خليته في القفص فتره وبجانب باب الشقة إتعلم يقول مييين لأي أحد يدق الباب أو الجرس .. ولما يشوف العباية يصيح وأدخل السيارة وأنا أسمعه ... والله اشتقتله واكمل كتابتي عنه وأنا أبكي .
ام عزان... الله يحفظلك اللي عندك ولا يحرمك منها .
أم إيمان الزغاليل يعني دوبهم مفقصين من البيضه .. وهم داخل قفص خشب معلق على قفص طيور الحب وبيضت فيه .
خوية ريم أنا أحبهم من صغري بس أخاف أتحمل ذنبهم بس زوجي أقنعني وطمعني في أجرهم ودايم يذكرني بحديث اللي سقت الكلب ودخلت الجنه .

نسيت أقول ..الدره المطوقه ماخذتها من واحد هندي وتردد كلام هندي يموت ضحك وأنا أحاول أعلمها عربي بس إلى الآن مافي فايده .. وذحين دخلتها غرفتي ..( يا أنا ياهي).