صور زفافي من جديد

مرحبا حبيباتي، نزلت صور زفافي من جديد بعد طلبات ملحة ومتكررة من الأخوات.

فيهم صور عادية يعني صور ناس واقفة بس حبيت أنزلهم قلت يمكن تحبو تستفيدو من موديلات الفساتين.

بالنسبة لفستاني، كان قطعتين، الصدر كان STRABLES يعني بدون شيالات أو أكمام، والصدر كان مشكوك بخرز وSTRASS بطريقة حلوة كتير وراقية (الصور مش مبينته مثل ما هو طبيعي).

أما القطعة التانية (التنورة) فكانت ستان جامد ومع ذيل من الخلف، ومن الجانب الأمامي كان إلو مثل كسرات.

الماكياج، اخترت الألوان الزهرية لإنها بتناسب بشرتي، وأما الشعر فكان مرفوع، يمكن مبين شوي بالصور.

وعلى جسمي استعملت باودر بعطي لمعة وريحة حلوة بس ما بعرف شو إسمو لإنو هذا أختي جابتلي إياه من أمريكا، واختفى بعد العرس ما بعرف وين راح.

باقة الورد، اخترتها من مجلة وهي عبارة عن شي مثل البوق مرشوش فضي وطالع منه الورد وداخل في خضار بشكل بارز وممتد خارج البوق (بس كانت ثقيلة شوي)! :D

حفلة الزفاف كانت في قاعة مفتوحة، بستان وبجانبه بركة سباحة كبيرة.

على البركة عملنا مثل جسر حديد ولبّسنا خشب وزيّنا ورد، وهذا الجسر رقصنا عليه رقصة SLOW، كانت فكرة حلوة والمدعوين حبوها كتير. وفي البركة نفسها عملنا مثل طواشات وحطينا عليها ورد وشمع مضاء تركناها تعوم على سطح الماء.

الكيك كان عبارة عن طبقتين تحت وطبقة علوية وبين الطبقة العلوية والطبقتين الأخرتين كان فيها تمثال حامل الطبقة العلوية ومزين بورد مصنوع من السكر، فكرته كمان كانت جديدة وحلوة.

كان في تفاصيل كثير في العرس صعب الواحد يحكي كل شي، بس يعني حبيت أعطيكم فكرة، وإن شاء الله تعجبكم.

سلام يا حلوين :icon35: