مسى الله هالوجيه الطيبة بالخير
حيي الله كل من دخلت موضوعي..المتوااضع
..سواء أعجبها أو ما أعجبها.الموضوع
.ردت أو ما ردت
.أو دخلت .بالغلط ..وتوهقت
او تزحلطت ..عند بابه..وطبت فيه غصبن عنها
ياالله ان تحييهنُّ كلهنُّّ عدد ما خط كيبوردهن من حروف
8
8
8
هذى مو المقدمة ..هذى ترحيب وتهلات بكم
( أكيد...... ابتقولو يالليل ما أطولك ..اصبرن توى بأول الموضوع )
اقدم لكن صور كشتاتنا.في أيام العيد الأضحى الماضي
و يا شين من يسوى أنه راعى وبر وشكته و يتوهق .بعمره..
هذا يا طويلات الشعر الراس عفو القصد يا طويلات العمر..
.ما عمر طلعت عائلتي الصغنونه ..الكريمة
للبر إلا يا عقب الظهر نأكل غداؤنا ونرجع ركض للبيت ...وإذا فلينها مرره مرره
درنا بسيارة نص ساعة بعد العصر وبرجع لبيتنا ...كانا ملحوقين
إما إذا عاد خربت معنا..وتهورنا
رحنا ضيوف عند ا(حد قرايبن هم الكاشتيين ..) وجلسنا معهم .
وهاك اليوم من الايام...مادرى وش جانا...اسم الله علينا
هدنا الله إن نصير سنعين وراعين فله بران زى كثير من ربعنا<<< . التقليد الأعمى انتبهنّ منه
حجزنا في ذاك المخيم.إلى ما به أحسن منه ...كل شئ فيه زين إلا الجو كان
أيام الجمدة في. الشبط..( اتحدى اذا تعرفين اصلا وشى الشبط .يا نص)
..ثلاث ايام ولليلتين
كانت الــحراره فى عز الظهر ْ8 درجات ...واذا اشتدا الحر 12ْ ..
ام الليل يااهو مررره مووووت
...الله اعلم تحت الصفر بكم درجه
رغم هذا كلها
نمنا عشان نعيش جو النوم في المخيم والبر ...
..عاد غشم وراحوا للبر.>>>.لا تشرهون ولا احد ينام بالبرد !!
مالكم بطويلة ..
.المخيم حقيقة روعه ..ونظيف ..ومخصص لك مكان ..لحالك ماحولك احد وبمنافعها
صح أنهم مستغلين
.(.يعنى الخيمة تأخذها بدون سجاد أنت استأجر سجاد ولا اجلس على التراب…
والخيمة مو شعر قماش عادى ..بنقش بيت الشعر يعنى ما تحفظ الحرارة )
بس العمش ولا العمى...
يقولون أن كانت هالمخيمات
لمنسوبين هيئه تطوير الرياض ..
والآن صار تبع ..السياحة والآثار
وتأجره ..للناس ( 1500 لليوم وبدون سجاد ...وبسجاد 1800)
8
8
8
هذى المقدمة..ابشركم
بتركم مع الصور ...
جاهزو النفسكم للانطلاق
..كل تربط حزام الأمان …وتلزم مكانها
وعليها فروتها ترا البر مايرحم
صورة المخيم من بعيد ...والى على اليسار كأنه مدخل كهف ترى الحمام ( الله يكرمكم )...بماء حار وبارد ..
ومذبح
.ومغسله يقال انها مطبخ
,المهم انكم ابسطو فيه ...
..لا يعقوكم وتعجزون كل شئ مجهز لكم ... اطبخوا
وكلو وشكرو رب رحيم
( اكره شئ لى الطبخ في البر):09:
>>>>عاد بتمسك بكم خط
المهم
ماعلينا نروح لصوره الى بعدها
صور هذى الجهة الثانية من البر...شفتنّ قد أيش نظيف ((( وينك يا سياحة أسوى لمخيمك دعاية..عساهم على هالدعايه يعطونى لو نص يوم فيها مالت عليهم .)>>>وراتس قلبتي عليهم
بس يا هو مخيم
...ما فيه إلا إحنا..كل إلى عزمناهم جو شوي ونحاشو من البرد..حدهم ساعه ساعتين ...
ولى جاملونا وجلسو معنا طوال الوقت.. مرضو عيالهم ...دخلهم براد:(...إستفراغ وكحه ..تحصلينهم يدعون علينا وعلى مخيمنا
بس برضي جلسنا فيها نحلل فلوسها ..ويقال انى مستمتعين. غصب
منظر خياااااالى ....نفس ارجع له مرت(ن) ثانيه
سبحاانكم ما أعظم خلقك ..خلقت فابدعت سبحانك
ما حصلت إلا هالصوره
...ولا ودي انزل صور كثيره..لكن اغلبها فيها عيالى وجزاء منى طالعى ..ياابركى ..بس والله على جلالى <<<الغير الناطقين بالقرويه ...غطاء مثل العبائه.تتستر به المره في البر
.(.ترى البر فاضي أصلا مخصص لك ..كل مخيم يبعد عن الثاني 3 كيلو)
بس خفت اتعب المشرفات بحذف موضوع ,( الله يجزهن خير يتعبون كثير منى لهم احلى تحيه )
..ثمن يضيق خلقي و أتنرفز
وما يسوى على اتنرفز وحر نفسى عشان موضوع .. ...>>>يااشيخه اهجدى لا تمسكين خط بهن
نرجع لصور
ياا لهى ما اجمله من غرووووب
هذا صوره الشمس لحظه الغروب تعلن انتهى يوم وبداء ليله جديدة<<احفلى
بعدها دخلنا الخيمة ندفئ ...و شبينا الجمر فيها لان كان الجو برررد مووت..والخيمه ما توقي _ ما تحمى_
يوم اول يوم ماقدرنا نام من البرد ...فتكومنا أنا وعيالي على بعض ندور الدافئ ...وصرنا كأنا كوره.(( وين في البيت كلا له غرفه وسريرالخاص وياويل من نام جنبه او دخل غرفته...الله لايغير علينا من نعمه ))
.كانت عقوبة علينا أن ننوم في هالبر
بس ارجع وأقول
غشم بر ..
وسلامتكم
أهم حاجه عندى إنكم قضيتن وقت طيب وممتع مع الصور
الله الله نتشجيع الحلو عشان انزل لكم صورنا وحنا في دبي و منتجع سليــين ..في قطر ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,