عشانا اليوم كان عباره عن ربيان بالطريقه الهنديه وسندويشات تويستر تشبه طعمه لحد كبير حقت كنتاكي وشغل البيت اكيد احسن وانظف اخليكم مع الصور لول بعدين الطرق لكل وحده معليش بعض الصور مو واضحه صورتها على السريع
نخش دغري على الطريقه :
بالبدايه يبيلك كيلو ربيان وشويه صدور دجاج طازجه يكون احسن
نقعت الربيان وصدور الدجاج ببهارات مشكله وشويه خل وحبه بيضه وخليتهم ليله كامله بالثلاجه عشان تشرب التتبيله
طريقه سندويشات الدجاج :
مثل ماتلاحظون بالصوره نجيب بيضتين بصحن وبصحن ثاني دقيق مخلوط مع بقسماط ونبدا نغمس حبات الصدور بالبيض ثم الدقيق ثم نقليها بزيت حار
اعذروني من الاستعجال مامداني اصور الحشوه بالمفرود حطيت جواتها شويه مايونيز ولو يكون عندك ثوميه احسن وشويه خس وبطاط وخيار مخلل وبالعافيه عليكم اسفه الصور فاشله
نجي الحين للربيان الهندي
بالبدايه نحتاج لكيلو ربيان وحبه بصل وفصين ثوم وفلفل بارد ملون حبتين وشويه كزبره طازجه وحبه ماجي وبهارات هنديه نحط الكل في مقلاة ونحمسها بعدين نحط الربيان حوالي ربع ساعه واقل ماراح ياخذ وقت كثير وبس وبالعافيه ممكن تقدمينه مع رز ابيض او مع خبز وبالعافيه عليكم
جربوا وان شاء الله عجبكم عشانا البسيط والف عااااااااااااافيه على قلوبكم :26::26::26: