الله يحييك شكرا لمرورك

الله يجزاك خير يالغاليه ويزيدك من فضله عزيزتي
حبيت استشيرك في الثلاجات الاستيل
اكيد عرفتيها اللي هي معدن
مطبخي جديد والى الان ماخلص طبعا بشتري الغاز والفرن ستيل والفلتر اللي فوق الغاز كمان ستيل
عشان كذا ودي بثلاجه مثلهم
وربي زهقنا من الابيض وحابه اغير
بس اخاف ماهي عمليه وتتكشط مع الوقت
وبالنسبه للحجم هل آخد اكبر شي او ماله داعي الوسط يكفي؟
شرايك

ابسئلك يالغاليه
بحكم خبرتك الله يجزاك خير عن اله الكبتشينو وش احسن نوع وهل هي ارخص من عندنا بالسعوديه لاني ماكد سعرتها
وابسل عن مبشره كهرب سمعت وحده من الاخوات جربتها بس مااذكر
واذاكانت كويسه وين القاها

حياكم الله اخواتي
اختي نسايم ورد الستيل زين وزي ماتفضلتي تغيير وطبعا هو لا يتغير ابدا مع الوقت
واحتمال تخدشه زي الثلاجات الثانيه المصبوغه يعني لو يجيه حكه قويه بمسمار مثلا
اكيد بتعلم عليه زي باقي الثلاجات
بس فيه نقطه مهمه بنبهك عليها انه حساس من ناحيه اللمس يعني اي لمسه من طفل تعلم عليه ويبيلها مسح بس اذا عندك شغاله مااعتقد فيه مشكله
والنقطه الثانيه اذا حطيتي كل الاجهزه ستيل لازم يكون جدران المطبخ ابيض
او تكبرين شباك المطبخ علشان ما يغمق المكان او تزيدين من الانوار فى المطبخ لا نها تقلل من انعكاس الضوء فى المطبخ

اما المقاس
اذا انتم اسره من اربعه وفوق يمكن الكبيره احسن
بس اذا المطبخ صغير وودك بالمكان يكون اوسع حطي متوسطه وحطي وحده ثانيه فى المخزن
وبعدين انتي قيسي على الثلاجه الحاليه الي عندك هل تحسين ان معظم الوقت هي فاضيه
او احيانا تبقون اغراض من المقاضي بره الثلاجه اذا كان كذا توكلي على الله واشتري الكبيره
لاني اشتريت فى حياتي كم ثلاجه وماعمري تندمت اني شريت الكبيره

الف مبروك على البيت وانا حاضره فى اي سؤال او مساعده فى اي جهاز



حياك الله اختي دمعت سفر
اله الكبتشينو موجوده فى السعوديه وماركات كثيره واسعارها على حسب الماركه بس مش غاليه
بس هل جربتيها ولها زمان عندك لانها الصراحه اعرف ناس كثير شروها فتره
وبعدين ملو منها وتركوها يعني اذا انت فى امريكا اشتريها وجربيها فتره وشوفي اذا فعلا انت محتاجتها

لان بعض الانواع لها مسحوق خاص ومع الوقت تملين من نكهته تحسين ان فيه ماده كيميائيه

اما المبشره فانا ماادري اي نوع تقصدين بس الي مر علي هي اله تتحرك لفوق وتحت وانتي تثبتين
الخضار علشان تبشره يعني بدل انت ماتحركين الخضارفوق وتحت على المبشره هي تتحرك والحقيقه انها مااعجبتني واحس انها من الاغراض الزايد يعني كم مره الواحد يحتاج للبشر
علشان يشتري جهاز منفصل
يعني لو اشتريتي جهاز يبشر ويقطع ويسوي شي ثاني يمكن اهون شوي
شوفي تارقت منزلين قطاعه شكلها دائري وكبير تقطع البصل من غير ماتهرسه زي الباقيات
وتبشر وتسوي اشياء كثيره بحدود 60$
دمتم سالمات واي سؤال عن اي جهاز لا تترددون ابدا

اختي دمعه سفر انا دورت لك فى صفحه تارقت علشان انزل لك صوره القطاعه الي عندي مالقيتها
وحبيت انبهك علشان ماتتعبين فى التدوير
هذا الرابط فيه كل الي عند تارقت مالقيت الي عندي منهم
http://www.target.com/gp/browse.html/ref=in_se_pagelist/601-6577955-5358531?%5Fencoding=UTF8&node=1041758&index=tgt-mf-mv&field-browse=1041758&rank=%2Bpmrank&size=16&page=1