السلام عليكم ورحمة الله ..
هلا اختي
اولا لا شكر على واجب وكلنا اخوات في الله ...

بالنسبة لتساؤلاتك :

سلسلة أو دائرة تحت الدرج شو هذه ؟؟

حبيبتي هذي طاولة الطعام لان مساحة المطبخ عندك صغيرة وماتكفي ولو تلاحظي اني غيرت لك توزيع الدواليب في المطبخ وعلى فكرة المقاسات اللي استخدمتها هذي المقاسات العالمية يعني غالبا هي اللي بتلاقيها في السوق ..

بالنسبة للوحات ترى انا حاطتهم بس المسقط اللي اخذته ما طلعهم باحاول بمشيئة الله اني اخذ لك مسقط ثاني يوضحهم ..

عموما انتي لو تلاحظي في المدخل فيه خطين لونهم احمر عند كل جدار واحد منهم مراية كبيرة نوعا تغطي مساحة كبيرة من الجدار مع اطار يكون مميز لان مساحة المدخل عندك صغيرة وماتسمح بوضع طاولة صغيرة ( كونسول ) وبجانبها حوض زرع ولو يكون نحاسي علشان يمشي مع اطار المراية ..
وفي الجهة المقابلة لوحة ولو تكون اية قرآنية تكون افضل طبعا ..

في مجلس النساء الكسرة اللي في الزاوية يمكن يحط قدامها طاولة دائرية اللي نغطيها بمفرشين عادة وينحط فوقها براويز صغيرة والمرش والمبخر او كيف ما تحبي وفوقها عندك الخيار في مراية باطار زخرفي او قطعة سجاد جدارية ..

مجلس الرجال انا حطيت فيه جلسة عربية ولو كانت بالوان غامقة تكون افضل مثل الكحلي السادة وخداديات بالوان مناسبة او يمكن استخدام السدو مثلا ..
والجدران تزين باطارات بها اشياء تراثية مثل الخنجر وما اشبه .. وبالامكان تعليقها على الجدار المقابل للباب بشكل اطارات متفرقة بصورة افقية ( اذا ما وضح الشرح عطيني خبر علشان احطهم لك 3D )
والجدار اللي فيه باب الحمام ( وانتوا بكرامة ) المستطيل هذا منقلة فحم وينحط عليها دلات قهوة ( ديكور يعني )



قولي لي رايك واذا اكمل لو لا



الى ملتقى

أم الجود ... أفكار وايد حلوة وما خطرت على بالي .. خاصة حوض الزرع على المدخل ...
كملي يا حبيبتي كملي..

ولو ما عليج كلافة حطيلي صور 3D ... شكراً مرة ثانية ..
والله انتوا يا بنات لازم تشتغلون مصممات ديكور.. على فكرة؟ شو تنصحيني استخدم اللوان الستاير ، بيتي الحالي مستخدمه فيه البيج ,, شو رايج استمر في البيج والإ لا ..

أهلا عزيزتي

مشكوره على الرد الحلو

الي بالصالات

طاولة مربعة عليها شمعتين و صندوق و مفرش مستطيل ة طويل

أما بالنسبة للي عند الدرج فهي طاولة مدورة مرتفعة زجاج أو خشب أو حديد مشغول عليها فازه لأن المنطقه فاضية

تبين الصراحة طاولة طعام أفضل مثل ما وضحت لك العزيزة ام الجود

بالمناسبة حبيبتي أم الجود

وش البرنامج الي تستخدمينه

لأن الي عندي معقد شوي و أتعيجز استخدمه

فياليت تقولين لي عليه

:26:

بالنسبة للستائر البيج تعتمد على لون الأثاث عندك

حاولي تكون ستائر كل منطقه مختلفة علشان يكون لها طابعها الخاص

و تحياتي لك يا قلبي
:26:

الله الله عليكم

والله خوش فكره

انا اشكركم نيابة عن الاخت فتاة القرآن

واحنا منكم نستفيد

انشالله انا بعد اقدر اعرض صوره حق مخطط بيتي

وانشاااااااااااااااااااء الله يكون تعاونكم معاي كذا وما تفشلوني

السلام عليكم ورحمة الله وبركاته....

مشكورة يا ((ملكة الحسن )) على ردك على سؤالي .. وما قصرتي .. وشكراً على اقتراحاتك الحلوة اللي انشالله بطبقها بيتي ..:26: :26: :26:

قدس .. شكراً على المرور .. وانشالله تستفيدوا انتوا بعد .. وبنات المنتدى ما يقصرن .:) :)

ملكة الجود .......... ما زلت انتظرك .

مع السلامة