السلام عليكم حبيباتي
حأقولكم السالفه ..
بأخر محاضرة لي بذا الاربعآء دكتورتي وهي ماشاء الله اخصائية تغذية قالت لنا ..
في أطعمة مدمرة جدا وقت الرجيم .. واحنا مانحسب لها حسآب ...
قالت لما تشربو الحليب الكامل الدسم ... تحسي بزيت بفمك! هذا يدمر الرجيم !
قالت جبنة المراعي السائله .. تقول كثيرات لما تجوع وقت الرجيم بتأخذ بس ملعقه واحده من ذي الجبنه وتعمل لها بيه ساندويش .. وتستهين به لأنه مجرد ملعقه بس!
بس تقول .. هذي معلقه واحده صحيح بس انو سعراتها الحرارية مره عآآليه ..
ووقتها ولأني برحلة رجيم افتكرت نفسي اني صح باخربط لكن يالطيف احيانا ما أنزل ابد ! والسبب لأني كنت من المستهينآت بدي الامور البسيطة .. زي اشرب نسكآفة واحط ملعقة ونص حليب من الي عندنا الكامل الدسم واقول معليش هي ماهي حلا ولا شوكولاته !
واستهونت حتى بملعقة السكر !
وجبنة الكرافت دي ..
وفعلا وربي يبنآت مع اني امشي نص ساعه واعمل رياضه نص ساعه .. لكن برضو بأنقص بطيئ مرة
وبصراحه بيني وبينكم .. لما أجوع وافتح الثلاجه وابي ادور شئ انقنق عليه ويكون صحي ما ألاقي إلا تمر .. او فواكه وخضار ..
المهم فنزلت اليوم السوبرماركت واشتريت لي اشياء اما افطر عليها او انقنق عليها
بسم الله
لبن خآآلي من الدسم (اشربه لو جعت مع تمرتين او 3 ) او كنقنقه
~~~~~~
جبنه صحية ( أكثير وقليلة الملح وكلنا نعرف انو الملح يخزن الماء جوة الجسم )..
اشتريته لأعمل لي ساندويش منه لما اروح الجامعه بخبز البر الصحي لانو طفشت كل يوم أفطر ساندويش بيض مسلوق :35: )
~~~~~~
يتبع
اشتريت شابورة قرآمش يم مي .. بالقمح الكامل (البر ) وحأفطر عليه مع شاي بأيام الويك اند او لما ابي انقنق ..
~~~~~~~
ولا ننسى السكـــــر .. اشتريت تروبيكانا حق الرجيم
~~~~~~~
وأكيد اشتريت اهم شئ الي هو اللبن الزبادي قليل الدسم ( مفيد جدا جدا للرجيم .. وهو مضاد اكسده .. وعادي لو اتعشى عليه لانه جد خفيف ع المعده وسعراته قليله مره)
أشتريت كم حبه منه بس صورت لكم واحد لانو مالي نفس ارجعهم الثلاجه ثاني
~~~~~~
وأخيرا اشتريت حبيب الكل .. (حليب السعوديــــــــــــــــة ) مشروبي المفضل ..
اشتريته لأنقنق عليه واشربه مثلا وانا اتصفح عالم حواء او بأتفرج تلفزيون .. وفيه عناصر وفيتامينآت وكذآ وانصحكم فيه
وبس و إن شاء الله كل اسبوع او اسبوعين اروح اشريهم لأانو اكيد بيكونو خلصو ..
وزي ماقلتلكم او بالأصح زي ماقالت لي دكتورتي .. لازم نحط كل سعرة بعين الاعتبآر ومانستهين من أي طعآم..
وعجبتني ذي اشياء الدايت لأانها قليله السعرات وان شاء الله مافي خوف منها ومابتخرب الرجيم ..
وبالتوفيق يارب للجميع