طلعت السوق من العصر افرفر على المحلات انا وصديقتي وفي طريق الرجعه مرينا ايكيا
هوو على طريقنا وانا من زمان خاطري ادش ايكيا فقلنا يالله خلينا ندش شوي نشوف شنو عندهم
المهم دشينا وتفاجانا انه المحل كبير وزحمه واحنا اول مره ندش فما كنا عارفين وين الاغراض
الي نبيها لفينا شوي فيه وسالنا العامل عن قسم اغراض المطبخ ماقصر دلنا
بصراحه اغراضه حلوة الواحد يحتار شو يشتري بس نصيحه الي يروح يروح من وقت
احنا كان العشاء ياذن لما وصلنا يعني الوقت مايكفي والمحل كبير ويبالوو لف على روقان
المهم اشتريت لي
علب البهارات اربع ب 12 ريال اخذت درزنين
وحامل العلب ب 9 ريال اخذت 2 واخذت عمود تعليق بس ماعلقته لحد الحين ماعندي دريل
وهذه الصوره حج علب البهارات شكلهم عبيتهم بهارات :14:
واخذت سلة الي تنحط فيها الاكياس ب 9 ريال بصراحه روعه تحسفت ماخذت لي 2
ان شالله اذا رحت له مره ثانيه بخذ وحده
واخذت ملاعق وشوك وسكاكين ملونه الكيس ب 11 ريال
هذا بس الي اشتريته لانه مافي وقت والمحل كبير وايد الواحد يتوه فيه
ان شالله اغراضي تعجبكم
مع السلامه :icon35::icon35: