السلام عليكم ورحمه الله وبركاته ..
في هذا الموضوع راح احكي عن قصه كفاح دامت 4 سنوات بالصور ..
بتكلم عن نفسي شوي ^_^
انا بنوته تخرجت من الثانويه وبدت رحله التسجيل بالجامعات والصدمات والشاغر وغير الشاغر ..
قدمت في كذا جامعه وكنت حابه اروح جامعه الاميره نوره ومقرره وخلاص وقرار روحتي لجامعه الاميره نوره كان فقط لعشقي لتجربه الاستقلاليه والغربه ..
لكن تأتي الرياح بما لا تشتهي السفن .. جا قبولي في جامعه الملك عبدالعزيز بجده عند اهلي بجده ، لكن انا ظروف حياتي اجبرتني اتركهم من قبل لا ادخل الثانويه واستقريت في مكه ل 4 سنوات ، كان قبولي في جده خط عوده لأسرتي الصغيره لكن اصراري على الاستقلاليه وتكوين شخصيتي كان اقوى ..
انتهى الصيف تجهزت اترقب موعد الرحيل ... فدقت اجراس الفراق فراق مكه فراق بيت صغير عشت فيه بعيده عن امي ... تركته بدموع وحززن ..
دخلت السكن الجامعي كااانت من اوحش الليالي اللي عشتها في حياتي وحييييده حسيت بإحساس الغربه مع انه جده عشت فيها وتربيت فيها جده اللي حفظت شوارعها ومداخلها اللي ياما لعبت في بحرها .. لكن احساس انك انسان سلبت منك حريه الخروج شي صعب ..
نظام السكن ادخل ومحد يطلعني الا وكلائي الشرعيين بابا واخواني وامي وخالاتي وعماتي وخوالي واعمامي الاغلب منهم مو موجود ...
حريه الخروج فقط مقتصره على حدايق السكن بقاله السكن مكتبه السكن مطاعم السكن النادي الرياضي بالسكن كل شي متوفر لنا داخل السكن ... كان راحه نفسيه حريه في كل شي بخلاف انو نطلع منه بدون اهلنا ..
تعلمت من السكن الكثيييير الصبر والقوه .. تعلمت اصحي نفسي للصلاه والدوام.. تعلمت اطبخ .. تعلمت اوفر المصروف .. تعلمت متى العب ومتى اجتهد ... تعلمت ان الوقت ثمييين وقد ايش كنت اضيعه برا ..بالسكن مافيه تيلفزيون وقنوات فقط قناه السعوديه مافيه خرجات وجمعات .. صحبه صالحه نقضي وقت فراغنا معاهم ..
جامعه الملك عبدالعزيز رمز للحريه والتربيه الذاتيه .. اعجبني نظام الاستقلاليه في كل شي انت طالبه جامعيه اذا انت مسؤوله عن كل تصرفاتك لبسك كلامك افكارك امانتك مع الله وضميرك ..
اترككم مع الصور ..
بوااابه المدينه الجامعية الرئيسيه
شوارعها
ممرات وكلاسات احب المباني لقلبي ^_^
يتبع ~
