كيفكم يا سكاكر؟؟
بما اني ولدت في هالمستشفى وعندي كم صوره له
وبما اني تجيني اسئله كثييييييره عنه
ولاني قبل كل هذا مجربه كان نفسي القى اي احد يوصفلي الوضع هناك ومالقيت :06:
فما ابي غيري يحتارون واب اي وحده تقرر تولد هناك تكون عارفة الوضع كله
طبعا الصور مو كلها واضحة لاني لما صورتها مافكرت انزلها فالنت كان كل هدفي تكون للذكرى
وبعد كانت من جوالين مختلفين فالتصوير شور مختلف
كمان انا استعنت بموضوع لعضوه هنا ابيها تسامحني بس دمجت صورها مع صوري لمزيد من التوضيح
من بعد اذنها وهي العضوه *Pink Candle*
ابدى بصوره فالدور الثاني للوحه تبين وين قسم المخاض والولاده وهو عاليسار بعد ماتطلعين من الاسنصير
هذي صورة السيب وفي اخره قسم المخاض والولاده
طبعا مايدخلون فيه الا الحريم ممنوع دخول الرجال يعني الزوج مايدخل ابد
هذي اللوحة
IMG_0533
وهذا السيب
وعلى يسار الصوره الاسنصيرات والحضانه
IMG_0532
هذا باب الملاهي ههههههههههه انواع الصياح جوا بس الحمد لله وقت ولادتي ماسمعت احد
IMG_0535
وهذا من جوة غرفة الولادة
باين فالصوره الباب الرئيسي اللي وريتكم صورته من جوا فوق
وباب غرفتي والكرسي اللي جابوني عليه وودوني التنويم عليه وكيس فسه عبايتي والملابس اللي كنت لابستها
وفيه عاليمين حمام خاص فيني بس مو واضح فالصوره
وفي يسار الصوره الي يحطون الرجول عليها <<هالمعلومه للبكريات :22:
20101119008
هالصوره مو واضحه لان ايدي كانت ترتجف مكتوب عليها (غرفة المواليد)
طبعا هالغرفه معي في غرفة الولاده مقابل كرسي الولاده
بعد مايولد النونو ياخذونه هالغرفة ويغسلونه ويقصون السر وينظفونه ويلبسونه ويلفونه ويحطون اسم الام في رجله ويجيبونه تشوفينه وبعدها يودونه الحضانه
20101119009
هذا العشا اللي جابوه لي بعد الولاده وبعده خلوني ارتاح ثم نقلوني عالتنويم
يبين الباب اللي عاليسار وهو غرفة المواليد اللي قلتلكم عنها قبل شوي
وقدامي البطانيه اللي غطوني فيها من فوق الشرشف لان بعد الولاده تحسين ببررررررررد
كنت مررره جوعانه بس مو قادره اكل ويديني ترجف آآآآآآآآه الله لا يضيع الاجر بس
على فكره اكلهم لذييييييييييييييييذ
طبعا العشا كان عباره عن رز ابيض وايدام خضروات ولحم كباب وشوربة لسان العصفور وسلطه ومويه وعصير طبيعي
20101119006
وهذي صورة ثانيه للعشا
لحد يرد يتبع