السلام عليييييكم
صراحه اول مره اسوي مغامره و اكتب موضوع بس شجعوني ههههههه
اول شي انا جايبه لكم صوص سلطه السيزر اللي داااايم كنا نجرب فيها كل شي عشان نوصل للصوص اللي نفس طعم المطاعم بس غالبا ما نفشل
ونظطر نسوي الصوص العادي اللي كلنا نسويه
هالمره انا لقيت لكم الصوص اللي نفسسسسس الطعم بالضببببط
ذقته عند وحده اعرفها و علمتني عليه
بس طبعا ما علمتني عليه الا بعد ما تعشيت لانكم بتنصدمون من المكونات شوي زي ما انصدمت انا
المقادير يا طويلات العمر:
ثوم - كمون - فلفل اسود - زيت زيتون (( طبعا الثوم بالكميه اللي تشوفينها مناسبه )) بس افضل انه تكون ملعقه شاهي صغيره
علبه سمك anchovy ((هذي موجوده بالسوبر ماركت مع قسم التونه شكلها زي علبه الساردين))
ملعقه شاهي خردل
نص عصير ليمونه
نص كوب زيت زيتون يفضل انه يكون درجه اولي
ربع كوب جبنه بارميزان مبشوره
علبه زبادي
صفار بيضه وحده بسسس
الطريقه:
حطي الثوم و الكمون و الفلفل الاسود و الليمون والخردل والزبادي وصفار البيضه سوااا
اخلطيهم مع بعض بعدها حطي بالبدايه ربع كميه علبه السمك وبالتدريج زيديها بس حنا نبي النكهه بس انتبهي تبان طعم السمك بيخرب عليك كل ششي حطي مررره شوي و زيدي لين تحسين الطعم بدا يزين
وحطي الجبنه البارميزان
واستمري بالخلط وبعدها وانتي تخلطين اضيفي الزيت الزيتون شوي شوي وهو يخلط
يفضل انكم ما تحطون ملح ابدااااااا لان الجبنه ماااالحه و السمك فيه ملوحه شوي
عاد السلطه نفسها ما يحتاج اقولها انتم عارفينها
وعلي فكره الصوص ينفع موب س للسيزر ينفع لاغلب السلطات
ادرررري ان اغلبكم الحين حامت كبدكم من مكونات الصوص بس تراه والله نفس المطاعم بالضبببط و طعمه روووعه
اللي تجرب تقولي انطباعها
صحتين و عافيه عليكم
ملاحظه:
اللي ما تعرف السمك هذا تقدر تشوف صورته في عمي قوقل
يلزم عليك تسجيل الدخول أولًا لكتابة تعليق.
زكية العلي
•
يعطيك العافية
الصفحة الأخيرة