صياح بنتي عمرها سنتين و3 شهور💔

واضح انها عنيده مره وتاخذ كل شي تبيه بصوت حاولي تتجاهلينها واذا صارخت وبكت كأن مافيه شي صاير وقولي الله لمين الصوت الحلو الي اسمعه وتبسمي وروحي اشغلي نفسك ولا كأنها حولك بتتعبين
في البدايه لاكن ماراح تطول على طول بتفهم ان الصوت ماراح يفيد فيكم كان علاج شافي لبنت اختي ربي يكون في عونك

اه بس خليها ع ربك عندي بنتي سنتين وست شهور بس تبكي وقلبت حياتي فوق تحت عندي غيرها اثنين بس هي غير عنهم كلهم بس بكي وصراخ وتعاند حتا بالبس ماتبي تلبس الا بكيفها
الله يهديهم بس

الله يصلحهم ويهديهم ويرزقنا برهم


بنتي كنت اعاني منها من نفس المشكله


ماقدرت احل المشكله الا لما اتفقت مع زوجي لان قبل كنت مهما اسوي من تشوفه تدلع عليه وهاتك صراخ وبكا وعناد


صرنا وقت ماتجيها الحاله نعطيها طناش حتى لو بمكان عام نناظر ببعض او بالسقف المهم مانلتفت لها


وبنفس الوقت وقت مانشوفها هاديه وحليله نطير فيها للسما من الحب والاهتمام


والحمدالله على صغر سنها الا انها استوعبت ان صراخها مابيفيدها , وصاير الجو بالبيت اهدا


وخفت مشاكلي مع زوجي بعد ماكنا نتهاوش بسبب اختلافنا بطرق تربيتها


وعلى فكره في نقطه مهمه لازم تنتبهين لها قبل أي شيء


اذا انتي تصارخين ودايم معصبه ومو رايقه انسي انها حتتغير لانها جالسه تمتص هالتصرفات منك

لا تهاوشينها ولا تصارخين عليهاهاللي تسويهردة فعل لتصرفاتك
انا بنتي حول بنتك والله يعين على العناد منهم كلميها بهدوء امسكيها وكلميها باذنها بهدوء
نحاول وعسى الله ينفع به انا بنتي اكلها قليل وبالحسرة ولا جاعت صارت عصبية وتصيح
والله وقت الاكل تدور ع الكنب. وتطامر وعشان تاكل نتفة مليون اغراء ومليون كلي يالله كلي
عموما انا اشوف لا صرخت ولا هاوشت ما يفيد بالعكس تزيد وتصير ترد بصراخ
اضبطي اعصابك وكلميها بهدوء