المقادير .
رز انا سويت رز الوليمه سوي الكمية الي تناسبك
خمس بطاطس مقطعات مكعبات
بصلتين مقطعات شرائح طويله. خمس أو أربع حبات سمك ثمد أو أي نوع . حبتين طماطم كبار. نص ثومه مبشوره. حبتين بسباس عدني واذا لايوجد معاكم سووا ملعقه فلفل أحمر مطحون . ملعقتين صلصة. بهارات مشكله . ملعقه قرفه مطحونه . ملعقه هيل مطحون. حبتين مسمار .شوي كزبره .شوي بقدونس
الطريقه
قطعي البطاطس مكعبات واقليهم وخليهم ع جنب. قطعي البصلتين شرائح واقليهم بنفس الزيت واقسمي البصل المقلي قسمين
وخليهم ع جنب. اقلي السمك وخليه ع جنب
سلقت الرز نص سلقه مع عودين قرفه ورشة هيل
تنقعي البسباس العدني أو بديله فلفل أحمر مطحون تحطيه بالخلاط مع حبتين طماطم وفصين ثوم
تجيبي القدر تحطي له نص كميه البصل المقلي وتحطي من الزيت الي قليتي فيه البطاطس والسمك وتحطي نص ثومه مبشوره وتحركيهم وتحطي البطاطس وتقلبي مع ملعقه قرفه مطحونه وملعقه هيل مطحون وحبتين مسمار ونص فلفل بارد مقطع وملعقتين صلصة وخليط الخلاط وقلبي وشوي ملح وبهارات كاري وكمان كزبره مطحونه. وشوي كزبره وبقدونس تحطي السمك فوق البطاطس من دون ماتحركي السمك حتى لا يفتت تجيبي الرز تحطيه فوق السمك والبطاطس بدون ماتحركي الرز تصبي القليل من الماء ولا تغمريه بالماء تحطي شوي زعفران مطحون مع شوي ماء وتسكبيه عن يمين الرز وكركم مع ماء وتصبيه يسار واجهه الرز والوسط تخليه ابيض وتحطي بقيه البصل المقلي على واجهه الرز وشوية من الزيت الي قليتي به السمك تحطي القليل بالواجهه وتغطي القدر وع نار هاديه جدا حتى لاتحترق من تحت وتبخريه بفحمه وكل شوي تفتحي القدر تضيفي شوي ماء حتى ينضج
وعوافي عليكم
ملاحظه يفضل سمك مافيه شوك انا عملت سمك اسمه شعور فيه شوك بس كنت حريصه يوم غرفت الرز غرفته بهدوء حتى لايتفتت السمك وينزل الشوك منه للرز واذا كانوا أطفالك صغار اكليهم انتي لذلك من الأفضل سمك ثمد
وهذا بيوم آخر سويتها وغيرت في تقديمها
