صيام ووحام ودوام وزوج من كلامه ما أقدر أنام :"(

لاحول ولاقوة الا بالله بنات انتم تعرفوني من مشاكلي مع زوج ماينطاق وتعرفون ودايم تقولون لي شلون صابره عليه من افعاله وعدم عدله بيني وبين زوجته وعيالي وعياله
انا الحين حامل لي شهر ونص بعد تأخير حمل سنة ونص والوحام لاعب فيني والمفروض يدللني ويراعيني زايد بلاه
تعرفون موضوعي الشهير انا وزوجي وضرتي والسفر آآه يالقهر؟؟؟
الحين المصون راح ترجع بعد العيد والله ماقولكم شلون يتجهز وخاب عمره ودى كرسي الاطفال الي يركبونه بالسيارة المصبغه من سافر معاها والحين توه ركبه وطول الصيف اقوله ركبه عشان ولدي الصغير يأذينا كله بيقعد بحضني وينه يقول مدري بالبيت يضايقنا ومدري ايش وطلع موديه المصبغه وراده بيته الثاني عشان يحافظ على نضافته لما تجي زوجته ويركب فيه بنتها هذا شي بسيط وطوفتها له
المهم كل كلمة والثانية يرد رد مثل السم وكل ماقرب وصولها يصير شري بزياده وانا متحمله وشنو بيدي غير اتحمل الناس على وجه عيد ومابي اضيق خلق اهلي ووالله لو وحده ثانيه دقيقه ماقعدت عنده
انا بصراحه وكلمة حق اقولها انا مااسكتله ارد عليه لاني وصلت مرحله بايعتها معاه لو بيطلق بالطقاق ماعليه حسوفه
المشكلة يابنات والي مجنني ومخليني مااعرف اتصرف انه يموت بالفراش معاي فهمتو؟ يعني ماشاءالله كأننه معاريس وشبه يومي وبالفراش يقول كلام ينسيج افعاله لو هو ابليس وبس يخلص تطلع حقيقته ؟ بنات تكفون شنو تفسيرة؟ والله بنجن بعرف هو يحبني؟ والا لا؟ لان يقولون الوحده اذا زوجها يكرهها استحاله يكثر من نومة الفراش معاها؟ هل هذا صحيح؟
والشي الي يخليني احس انه مايحبني وبايعني ان اليوم وبأمان الله قاعدين نشرب قهوه بعد الفطور وولدي الصغير حياتي طرى جدته الي هي امي يقول ابي تدده؟ هو عمره سنتين الله يحفظة وشكل على الكلمة ابي تدده ابي ننه ( اختي اسمها الصغيرة حسنه ) يحبها وقام يكرر الكلام وقلتله ان شاءالله ياحياتي بعدين نروح لانه مايفهم واحنا نروحلهم بالعيد ووننام عندهم يومين ان شاءالله
جان ينط ابوه ويقول اي حبيبي كله من امك لو ترضى متزوج مسيار كان انت الحين 24 ساعه عند خوالك؟؟؟؟؟؟؟؟؟؟؟ تخيلو امانه
قلت ياسلام شكو المسيار؟ ليش اشفيني ناقصه الف من يتمناني خل -------- (وقلت اصل زوجته )تزوجها مسيار اما انا بنت البلد اتزوج على سنة الله ورسولة جان يقول شفيه المسيار حلال قلت اي حتى العرفي حلال قال لا العرفي موضوع ثاني ومن قهرني وانا كالعاده مااعرف ارد اذا انقهرت واقط خيط وخيط قلت مدام العرفي حلال بتزوج من وراك عرفي لأنه بصراحه غثني وهو يعرف ان كلامي موقاصدته وانه مستحيل اصلا ومايصير وبدال مايضحك ويلطف الموضوع قال تزوجي روحي بستين داهية يعني بايعني حدددددددددددده :(
ورديت عليه قلت مشكور ماتقصر وسكت وثواني ويقول بتسبح روحي شبي بخور قلتله تزوج مسيار وخلها تشبلك البخور ابي ابين له ان كلامه قوي بحقي لانه ترى مو اول مره كذا مره جاب طاري المسيار وانا حسبالي يتغشمر بس هالمره حسيت انه يقصد واحس زوجته هي الي قالته ليش ماتخليها مسيار :(
بنات تكفون الي ابيه منكم شلون اعامله من يوم ورايح كل ماقلت باخذ موقف يومين والا هو جاي يزحف مثل ........ ماني قايله الناس رمضان عشان ياخذ حاجته واستحي ارفض لانه حرام ودي ومناي ارفض وعلى اخر لحضه اقول مايسوى اخذ ذنب والملائكة تدعي علي عشانه

وادعوله تكفون لاتدعون عليه لانه ابو عيالي والفاس طاحت بالراس خلاص بس ادعو الله يهديه ويعدل بيني وبين زوجته الاولى بكل شي
وسامحوني على الاطالة