.
السلام عليكم ورحمة الله وبركاته..
من زمااااااااان نزلت طريقة رولات الباذنجان بالمفروم والروب.. هي تقريبا نفس هالصينية بس الترتيب غير..
عدتها ألحين بطريقة أسهل.. ان شاءالله تعجبكم مثل ماعجبتنا..
.
المقادير:
باذنجان مقطع دواير ومرشوش بزيت ونحطه بالفرن لين يستوي أو مقلي على راحتكم
حمسة لحم معصجة: نص كيلو لحم مفروم مسبك مع بصل مفروم ناعم وثوم مدقوق وحبة طماطم مفرومة ناعم وقليل من الكزبرة المفرومة وملعقتين صلصة طماطم وملح وفلفل أسود وقرفة وكاري..
.
صلصة الروب (الزبادي): 3 - 4 علب زبادي ( روب ) على حسب الصينية + ملعقتين طحينة سائلة + ملعقة نشا + عصير نص ليمونة + فص ثوم + ملح ان احتاج..
للتزيين: صنوبر محمر أو نعناع مجفف أو بقدونس ..
.
الطريقة:
نحضر البايركس ونضع أول طبقة باذنجان وفوقها اللحم المعصج وفوقها خلطة الزبادي.. ونزينها على راحتنا وبالفرن من تحت لين تتماسك الأطراف شوي وبعدين من فوق تتحمر..
وهذي الخطوات بالصور..
وتقدم.. بألف هني وعافية على قلبكم..
ان شاءالله تعجبكم وأي سؤال أنا حاضرة..
حياكم الله..
.
بس ليه النشاء بالصوص؟ وش الحكمه منه ؟
يسلم يدينك