بسم الله الرحمن الرحيم
السلام عليكم ورحمة الله وبركاته
أول شيء ذا أول موضوع لي بالمنتدى وأول مرة أحط موضوع طبخه وفيه صور يعني اعذروني لو فيها أي لخبطه أو الصور مو واضحه
ثانياً بقولكم عن الصينيه ذي هي سهله وبسيييييييييطه بس والله إدمااااااااااااان وزوجي يموت عليها إذا سويتها ما ياكل على السفره غيرها
ونبدأ بالطريقه على طول
1_ قشري بطاطس الكميه اللي تناسبك على حسب الصينيه عندك
1
بعدين قطعيها حلقات دائريه
2
واقليها بالزيت عادي
3
2_ جيبي لحم مفروم عادي أو لحم مفروم دجاج ( أنا أفضلها بالدجاج أطعم ) وانت والموجود عندك
4
وافرمي بصل وثوم وكشنيها بقليل زيت بطاجن وحطي عليها اللحمه ومكعب ماجي وملح وفلفل وكمون قلقليها مع بعض مثل حقت السمبوسه
5
3_ رصي البطاطس المقليه بالصينيه
6
وحطي عليها اللحم المفروم
7
بعدين طبقه ثانيه من البطاطس
8
4_ حطي بزبديه صغيره جبنه سايله كرافت الكميه اللي تحسينها مناسبه لك
9
وصبي عليها شوية مويه حاره يعني خففها عشان نقدر نفردها على وجه البطاطس
10
وصبها على الوجه
11
ودخليها الفرن وحمريها
12
5_ ولعي جمرة وحطي بفنجان قهوه قليل زيت للتدخين ( مثل تدخين المندي ) وحطي الفنجان بوسط الصينيه
13
وحطي الجمره وغطيها بسرعه بالقصدير عشان تاخذ الريحه والطعم وخليها مغطيه كم دقيقه وبس :icon28:
وقدميها مع الخبز والرز الأبيض
اعذروني ما صورت طريقة التقديم لأني أخذتها عند أهل زوجي وما قدرت أصورها :(
ان شاء الله أكون بشرحي واضحه واي إستفسار أنا حاضره
وشجعوني بالردود الحلوه اللي تفتح النفس وتحمس انه ما يكون آخر موضوع لي
ولا تنسون تدعون لي ولزوجي وأولادي ربي ما يحرمنا من بعض
يلزم عليك تسجيل الدخول أولًا لكتابة تعليق.
الصفحة الأخيرة
تسلم ايدينك
ويعطيك العافية خيتووووووووووووووو