السلام عليكم خواتي بنات حواء
جايبه لكم طريقه سهله وسريعه لاحلا صينية توست بالتونه والخظار طبعا ممكن تبدلي التونه بصدور دجاج او مفروم اللي تحبي
المقادير😍
توست
خضار اختاري اللي تحبي
(بطاطس جزر مبشور فلفل رومي بصل وثوم)
علبه تونه
بهارات - ملح
مايونيز للدهن او قشطه او جبن سايل
مقادير البشاميل🌹
الكميه حسب صينيتك
خمس ملاعق دقيق
كاسين حليب سايل
زيت
ذرة ملح
ملعقه كبيره جبن سايل اختياري
الطريقه🌹🌹
شوحي جميع الخضار في صينية في شوية زيت بعد تقطيعها صغار حطي ملح وبهارات وملعقتين صلصه وشوية مويه خليها راويه لاتنشفيها مره
حطي التونه اخر شي بعد استواء الخظار
رصي التوست ف صينية وامسحيه بقشطه او جبن سايل مع ملعقه مايًونيز وصبي الخلطه ورصي الطبقه الثانيه من التوست
نجي للبشاميل انا احط النقادير سوا الحليب والدقيق شوي شوي واخفق عالنار هاديه والملح لين يثقل قوامه ممكن تزودي الدقيق لو طلع خفيف او حليب اذا طلع ثقيل واخر شي طفي ًوحطي ملعقه جبن سايل تعطي طعم مميز وصبي البشاميل عالتوست ودخليها الفرن لين تحمر بس 😋
وصحه وعافيه 🌹🌹🌹
501935
اتمنى تعجبكم دعواتكم 😘
دلع٢٠١٤ @dlaa2014
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
تسلم يدك حبيبتي