شحالكم حبايبي أقدملكم هالصينية اللذيذة وأكيد بتعيبكم مثلي..
طعمها فعلا يمييييييييييييييييي.. يالله شمروا ايدكم..
المقادير:
صحن صدور دجاج مسلوق مع بهارات ومنتف
بصل جوانح
جزر مقطع طوال
فلفل رومي مقطع طوال
بهارت وملح
كريمة مخفوقة
خبز توست مقصوص أطرافه
شوية حليب سائل
الطريقة:
1- نعمل الحمسة أولا..
وذلك بحمس البصل بالزيت ثم اضافة الدجاج المفتت ثم الجزر والفلفل الرومي..
ونضيف البهارات والملح.. لاتكثرون بهارات.. انا أكتفي بالفلفل الأسود ومرات أضيف شوية كمون..
وأخيرا نضيف الكريمة ونخلي الحمسة مغرقة وبروحها بتنشف شوية.. من تتداخل مع المكونات سكروا النار..
2- بالبايركس نحطي طبقة أولى من التوست ثم نرشه بشوية حليب عشان يلين ونحطي طبقة أولى من الحمسة..
ثم نرجع نضيف توست ورشة حليب مع طبقة ثانية من الحمسة.. وبس..
صاروا بقتين توست مرشوشين بالحليب مع طبقتين حمسة بالكريمة..
3- ندخل الصينية الفرن من تحت لحد ماتتماسك وبعدين من فوق تتحمر..
وذوقوا أحلى صينية توست بالدجاج والكريمة يمييييييييييييييييييييي..
اللي فوق صينية كبيرة بس نسيت أصورها بعد التقطيع وهذي الصينية سويناها مرة ثانية وصورتها بعد ماقطعتها..
شوفوا من الداخل يم يممممممممم
أنتظر ردودكم الحلوة..
وبالمرة شوفوا
سلطة الحماظ ( الحميظ ) حياكم لذيذة
تحياتي,,
& سبحان ربي العظيم &