بعدها بنضيف اللحمة المفرومة وبنضيف عليها البهارات، أنا استخدمت بهار خلطة، فلفل أسود، شوية قرفة، ملح بس أكيد استخدمي اللي بتحبيه
وبعد ما تستوي اللحمة أضيفيلها صنوبر محمص أو مقلي وخليها على جنب
بعدها بنجيب الخضار اللي هي عبارة عن بطاطا، فلفل حلو، بندورة "طماطم"، باذنجان... أول شي بنحفر البطاطا وبنفرغ قلبها بس ما ترمي اللب، خليه في الصينية اللي راح تطبخي فيها، ثاني شي بنحفر البندورة وبرضوا خلي قلب البندورة في الصينية، وبعدين بنفرغ قلب الفلفل الحلو بس احتفظي بالقمع اللي فوق علشان راح نسكر فيه حبة الفلفل بعد ما نحشيها... وآخر شي احفري الباذنجان..
الآن بنبدأ بحشي الخضار باللحمة المفرومة اللي عملناها وبنصف الخضار في الصينية...
بعد ما نخلص حشي بنجيب كام حبة جزر وبنقطعهم دوائر وبنحطهم في الصينية، وكمان بنقشر كام فص ثوم وبرضوا بنقطعهم دوائر وبنحطه في الصينية.
بعدين بنجيب ماء يكفي لغمر الخضار وبنضيفله شوية ملح وبهار وماجي ورب البندورة وبنحطهم في الصينية فوق الخضار
بعدين بنغطيها بورق قصدير وبندخلها الفرن لحد ما تستوي، مدة الاستواء حسب كل فرن، تقريبا بتحتاج ل 45 دقيقة إلى ساعة.
وبعد ما تستوي بنرفع القصدير عنها وبنحمرها شوي...
وهذه النتيجة النهائية بعد ما خلصت
ويا رب إن شاء الله تكون عجبتكم وتقرروا تجربوها:27:
ماشاء الله حيل روعه
يحفظك ربي