صينية الدجاج بالزعتر
السلام عليكم ورحمة الله وبركاته
هذي أول مشاركة لي في المنتدى وأتمنى إنها تعجبكم
عندي طريقة للدجاج بالزعتر وهي لذيذة جداً وراح تعجبكم إن شاء الله
ودايماً زوجي وبنتي يطلبون مني أسويها لهم
وسامحوني ما عندي لها صور لأني أدخل المنتدى وأنا في الدوام
المقادير
دجاجة مقطعة إلى 8 قطع ومنزوع الجلد عنها
قليل من الفلفل الأحمر الناعم + ملح
بصل مقطع إلى أرباع الكمية (أربع بصلات)
بقدونس
عصير ليمون "الكمية حسب الرغبة" (أنا عن نفسي أحب الحامض فأحط من ثلاث إلى أربع ليمونات)
زيت للقلي
زعتر
طريقة التحضير
نتبل الدجاجة بالملح والفلفل
نسخن الزيت ونقلي الدجاج إلى أن يصبح لونه ذهبي ونرصه الدجاج في صينية الفرن (البايركس) وننثر عليه البصل المقطع والزعتر بحيث إن الزعتر يغطي الدجاج وما تكون الكمية كثيرة ولا قليلة وبعدين ننثر البقدونس على السطح ونصب عليه قليل من الزيت (قليل جداً) وبعدين عصير الليمون، وبعدها نغطي القالب بالقصدير وندخله الفرن ونفتح النار من تحت وما تكون النار مرتفعة ونخلية إلين تطلع ريحة الزعتر والبقدونس ونقدمة مع الرز بالشعيرية أو مع الخبر للعشا
وبالهنا والعافية ولا تنسون تدعون لي ،،، ولا تنسون تعطوني رايكم بإنتظاركم:26: :26: :26:
أموااج @amoaag_2
عضوة
يلزم عليك تسجيل الدخول أولًا لكتابة تعليق.
عمة دندوش
•
الله يعطيك العافية
هلاوالله
تسلم ايديك بس زعتر الزعتر العادي الي مع الفطاير
ولا الثاني والفلفل الاحمر تقصدين الرومي وا الحار
وسوري ازعجتك بالأسئله
تسلم ايديك بس زعتر الزعتر العادي الي مع الفطاير
ولا الثاني والفلفل الاحمر تقصدين الرومي وا الحار
وسوري ازعجتك بالأسئله
أموااج
•
هلا حبيبتي لا ما فيها إزعاج
الزعتر العادي اللي نستعملة في الفطاير والمعجنات
والفلفل الحار (الشطة) وبس الكمية على حسب الرغبة
وبالعافية
الزعتر العادي اللي نستعملة في الفطاير والمعجنات
والفلفل الحار (الشطة) وبس الكمية على حسب الرغبة
وبالعافية
الصفحة الأخيرة