السلام عليكم يا حلوين
كيفكن ان شاء الله كل الاخوات بالف صحة وعافية
هالسنة صايرة كسلانة وهي اول اكلة بنزلها بس عملتها اليوم وطلعت طعمتها رووووعة وصورتها على السريع وانا عم اعملها (بدون ديكور)احتياطااذا طلعت طيبة ,بعد ما ذقت الطعمة قلت لازم نزلها وبكتب على الخطأ يلي وقعت فيه ....طولت عليكن اسفة تفضلوا :
بسم الله الرحمن الرحيم
يلى تفضلوا على المطبخ معي :
المقادير مع الطريقة :
بصلة كبيرة او بصلتين صغار
شوية ثوم مهروس (حوالي ملعقة كبيرة ممسوحة)
علبة فطر
علبة كريمة خفق (واضحة بالصورة)
كيس خبز توست مقشور
حوالي صدراو اكثر شوي دجاج مسلوق ومقطع
ملعقة دبس فليفلة وهذا اختياري وهو متل دبس البندورة تقريبا وانا اخذته من رفيقتي جايبته من حلب
ملح -فلفل -بهاراتك يلي بتحبيها انا حطيت بهار ابيض ورشة جوزة الطيب
1-نضع بالمقلاية ملعقة زبدة +شوية زيت مازولا ونقلي اول شي البصل ليصير شفاف ونضع فوقه
الفطرونقلي شوي ونضيف الثوم والدجاج ونقلب ثم البهارات ودبس الفيلفلة ونقلب على نار متوسطة حوالي 5 دقائق بعد اضافة جميع المكونات
نصف بصينية الفرن الخبز بعد قطعه بشكل مثلث ونضع عليه الخلطة
ثم نحضر خلطة الكريمة ونصيحة اذا صينيتك كبيرة ضاعفي الكمية تبع الكريمة لانه انا وقعت بهذا الخطأ فكانت الخلطة قليلة بس ما أثرت على الطعم ابدا
مكونات اخلطة الكريمة :
علبة كريمة خفق
نصف كأس جبنة كاسات(انا حطيت كرافت)
ملعقتين كبار مايونيز
نخلطهم مع بعض منيح وونضع نقطة صغيرة فوق كل قطعة توست مع الدجاج متل الصورة :
نغطيها بمثلثات التوست :
ونأخذ باقي خلطة الكريمة ونضعها على الوجه (لاحظي كمية الكريمة عندي قليلة):
وندخلها الفرن شوي من تحت وبعدين نشعل فوق للتحمير والف صحة وجربيها على ضمانتي طعمها
طيب كتير .
وسبحان الله نفس ماركة المشروم اللي استخدمها ~> مونارش
وكريمة الخفق نفسها بعد بس ما القاها إلا بالسيفواي ..