السلام عليكم ورحمة الله وبركاته
كل عام وانتم بألف خير والله يبلغنا واياكم شهر رمضان الكريم:26: :26:
قبل فتره سويت اكله لذيذه وتصلح لشهر رمضان
وهي صينية الرز والدجاج بالخضار
وكانت المقادير قليله للتجربة:)
وانتم حطوا المقادير الي تبونها:26:
المهم جيبي ياستي عدد اثنين من صدور الدجاج وغسليهم ونقعيهم في خل وملح عشان الزفره تروح
ثم اسلقيهم في مويه وقرفه وفلفل اسود وملح وبعدين اذا استوى الدجاج فصفصي الدجاج يعني قطعيهم صغار واحتفظي بالمرق لاننا بنسلق الرز فيه
وفي قدر ثاني كشني بصله في شوية زيت وحطيلها البهار الي تحبيه انا حطيت قرفه وفلفل اسود وفلفل حلو ورشة هيل وبابريكا وملحت شويه ثم حطيت الدجاج وقلبته شويه وطفيت النار عليه وغطيت القدر ليحتفظ بالحراره
تكوني مغسله كاسه رز ومنقعته من قبل تصفيه وتحطيه لمرقة الدجاج وتسلقيه حتى يستوي
في هذا الاثناء اقلي شرايح بطاطس وجزر وباذنجان اسود وصفيهم من الزيت انا عملت بطاطس بس لانه ماكان عندي غيره
والحين هاتي صينيه بايركس وحطي الطبقه الاولى رز ثم الدجاج ثم شرايح البطاطس والجزر والباذنجان ورشي عليهم شبت مفروم واخيرا حطي فوقهم ملعقتين جبنه سايله وقشطه مخلوطين مع بعض ودخليها الفرن من فوق بس تحمير فقط
صدقوني يابنات انها لذيذه وسهله بس الشرح هو الي طويل:42:
انتظر رايكم فيها واتمنى انها تعجبكم:26:
دمتي بخير