كيفكم وكيف اخباركم
مرحبا بكم مع صينية الشاورما اللي راح تعجبكم أكيد <<< واثقه من نفسها ههههههه
بالصراحه ياأخواتي انها ولذيذه مررررره وطعمه إذا سويتها يتم القضاء على الصينيه كااااملة وجربو واحكمو
نبداء على بركة الله وهي عباره عن طبقات
الطبقه اللأولى
بطاطس مقطع مكعبات مقلي
انا هالمره ماكثرت بطاطس بس انتم زودوها شوي وبيكون احلى
الطبقه الثانيه
خس وطماطم مقطع وسط ويوزع عالبطاطس
انا ماكان عندي خس فحطيت بدل منه بقدونس
الطبقه الثالثه
نقطع بصله كبيره جوانح يعني شرائح طويله ونحمسها بقليل زيت ونضيف جزر وفلفل بارد مقطعين قطع طويله
ونضيف قطع دجاج مقطعه شرائح طويله ايضآ وملح وبهارات وفلفل اسود مع التقليب حتى تستوي
ثم نساويها على الصينيه بهذا الشكل
ثم نوزع عليها خيار مخلل
والطبقه الرابعه
نخلط بالمضرب اليدوي علبه ونص زبادي 3 فصوص ثوم مهروس وملعقتين مايونيز
ويساوى على وجه الصينيه
وترش من فوق بالبقدونس المفروم
وبعدين ندخلها الفرن ربع ساعه ونحمرها شوي من أعلى
وهنا طلعناها من الفرن
وعند التقديم بهذا الشكل
واخيرآ احب اقولكم تراها سهله وما تاخذ وقت ماعليكم من كثر الكلام والتجربه خير برهان
وعليكم بالصحه والهناء والعااااااااافيه
ودمتم سالمييييين