كيفكم حبيباااتي .. غدانا أمس كان صينية مكروونه يا لطيييف كيف روووعه فـ حبيت أشارككم فيه جربوها وصدقوني راح تحبونها ..
المقــــادير :
دجاجه مقطعه صغار و مخليه من العظم
صويا صوص
بصل مقطع شرائح
فلفل حار مقطع
بهارات مشكله
ماجي و ملح - بابريكا
أولاً سوري ما لحقت أصور الخطوات لأن أهل عمي كانوا موجودين وما كان فيه وقت للتصوير بس الطريقه سهله و ما تحتاج تصوير
حطي الدجاج مع زيت في صاج كبير وحركيها حتى تحمر على نار عاليه عشان ما تطلع موية الدجاج .. إستمري بالتحريك تقريباً 5-7 دقايق حتى تاخذ لون ذهبي قصري النار عليها و حطي البصل وخليه لين يذبل .. حطي الصويا و البهارات و الفلفل الحار و خليها تطبخ لين يستوي الدجاج ولو إحتاجت حطي شوية ماء عليها بس لا تكثرين لأنها لازم تكون ناشفه شوي بالأخير ..
* قطعي ( جزر - باذنجان - بطاطس- فلفل رومي - كوسا ) مكعبات متوسطه أو صغار وإقليها بالتناوب بس خلي الباذنجان آخر شيء لأنه يعدم الزيت
خليها على جنب و تأكدي من الدجاج إذا إستواء و لا لأ و راح يكون كذا شكله
طبعاً إنت بهالـ أثناء إسلقي مكرونه طوال وخليها على جنب بعد
ألحين نسوي صوص اللبنه
المقـــادير :
لبنه من 6-7 ملاعق كبيره
علبه صغيره قشطه
2-3 ملاعق ك جبن سائل
1-2 ملعقه ك مايونيز
شوية كريمة خفق عشان تعطيه سيوله شوي
ملاحظه : هنا أنا مكثره الكميه عشان الصينيه كبيره شوفي الفرق بين حجم صينيتي و صينيتك و كثري أو قللي حسب الحجم ..
وعموماً هو مو بالقياس فيك تسوينها بتقديرك إنت و حسب رغبتك تثقلينها تلينينها زياده .... صوص مرن بإختصار..
إخلطيهم مع بعض و إتركيها شوي على جنب
ألحين حطي الخضار المقليه فوق الدجاج
وحطي عليهم شوية كريمة خفق عشان تمسكهم ببعض
حركيهم عالنار شوي بس وكذا راح يكون شكلها
جيبي الصينيه وحطي فيها ملعقتين من الصوص و أدهني فيها القاع بس
حطي طبقه من المكرونه
حطي الدجاج كامل عالوجه
يتببببببببببببع
<
>
>
<
<
<
>
نكمــــــــــــــل
نحط طبقه ثانيه من المكرووونه
نصب الصوص فوقها
ونرش وجهها بِـ جبن موزريلا
دخليها الفرن من فوق حتى تتحمر و طلعيها
قطعيها و قدميها بالهناء و الشفاااا
وهذي كانت التحلييييييييييييييييه
وبس و بس
عواااااااااااااااااافي على قلوووووبكن
T7iaty : Estba7o 3brti