حبيت أشارك بموضوع ودى أول مشاركة ليا
وان شاء الله أكون خفيفة عليكم وتقبلوا مشاركتى
دى صينية الفول بالبيض فى الفرن
لذيذة وخفيفة وأهو تغير فى الأكل
اليكم المكونات
نصف كيلو فول مدمس مستوى
بصلة مقطعة صغير
2 كوب عصير طماطم
1 ملعقة صلصة طماطم
نصف كوب بقدونس قطع صغيرة
6 بيضات
1 معلقه ملح كبيرة
نص معلقه فلفل صغيره
1 معلقه كمون صغيره
ربع كوب زيت
طريقة التحضير
نحمر البصلة فى كمية الزيت المذكورة ثم نضع عصير الطماطم وملعقة الصلصة نتركها حتى تتسبك
نضع البقدونس ثم الفول ثم نتركها على النار 10 دقائق مع اضافة الفلفل والملح والكمون ثم نرفعها من على النار ثم نضع الخليط السابق فى الصينية و نكسر عدد البيضات بحيث يكون الصفار سليم و بعدين ندخله الفرن حوالى ثلث ساعة لحد ما البيض يستوي و بعدين نولع الشواية لحد مالوجه يكون ذهبي.
الوصفه دى بتاعة ماما وارجوكم جربوها ومش هتندموا
rasha12wa @rasha12wa
محررة
يلزم عليك تسجيل الدخول أولًا لكتابة تعليق.
الصفحة الأخيرة
يمي يمي