عملتها مبارح وصورتلكم ياها
المقادير
* الكمية اللي بتناسبك من اللحمة المغسولة والجاهزة للطبخ
* بصل
بطاطا
جزر ( بيبي كاروت )
كوسا
مقطعين بحجم مقارب للجزر الصغير
تيرياكي صوص
توم مبروش او مدقوق ناعم
خل مقدار معلقتين كبار
عصير ليمون معلقتين كبار
شوية زيت زيتون
ملح
بهارات مشكلة ( هيل , قرفة , فلفل اسود , بابريكا , كمون , كزبرة )
مقدار مناسب من الماء
الطريقة
بنحط المقادير بصينية للفرن او بايريكس وبنحركهم منيح لحتى تتوزع البهارات والخل والليمون والزيت على كل الخضار واللحمة ..
بنضيف كمية من الماء وبنغطي الصينية بفويل .. وبنتركها بالفرن لحتى تستوي اللحمة تماما
وبعدين تحمير بسيط من فوق ..
ملاحظات :
*كمية التيرياكي صوص بتعتمد على الذوق الخاص .. في ناس بتحبو كتير وناس بتفضل يكون شوي بس للنكهة
*ممكن تضيفي خضارك اللي بتحبيها بروكلي او فلفل حلو اخضر و احمر
* ممكن بدل التيرياكي تستخدمي الباربكيو صوص او صلصة البندورة
* اذا عندك بالبيت بيبحبوا الاكل الحار .. ضيفي للصينية قرن فلفل كامل ( بدون تقطيع )
بتركم مع الصور
طبعا قدمت معها رز
وسلطة الملفوف الاحمر
لا تنسوني من دعواتكم الحلوة بالفرج العاجل
تسلم يدينك وعليكم بالعافية ..