Silent Night @silent_night_1

عضوة مميزة

۝¤؛°صينية اللحم المفروم بكرات البطاطس والصلصة البيضاء جديد من مطبخي لذيذة ومميرة°؛¤۝

السلام عليكم ..

كيف حالكم ان شاء الله تمام ..

طبقي اليوم صينية مرره لذيذه ومميزه بالطعم والشكل.. بشهادة الجميع ..
ودائماً اخواني يطلبون مني أسويها .. واليوم اللي نسويها أمي معتمده عليّ فيها ..

بسم الله الرحمن الرحيم ..

هي عباارة .. عن ..

●●●●●●●●●●
المقــادير ..
●●●●●●●●●●

لحم مفروم ..

بصل مفروم ..

(المقدار على حسب عدد الأشخاص وكبر الصينية)

6 حبات بطاطس متوسطه ..

صلصة طماطم ..

توست ..

ملح + فلفل أسود وأحمر ..

●●●●●●●●●●
الطريقة
●●●●●●●●●●

نجهز المقلاة .. بعد مايحمي الزيت .. بدأي بحمس البصل واللحم المفروم ..

نقالب فيه .. ونضيف له الملح والفلفل الأسود والأحمر

ثم يضاف إليه 3 م ك من صلصة الطماطم ..

ونحركه زين ونقالب فيه .. لين مايتناثر اللحم .. وينضج ..

خليه على نار صغيره جداً .. وغطيه ..

غسلي حبات البطاطس وقطعيه قطع متوسطه .. وضعيه في قدر به ماء ..
على نار متوسطة .. وغطية

خليه نصف ساعه تقريباً.. وشيكي عليه ..
بغرز سكين داخل البطاطس اذا شفتيها دخلت كلها .. معناته استوى ..
صفي البطاطس من الماي .. وخليه على جنب الين ما يبرد .. واذا كنتي مستعجله صبي عليه ماي بارد ودخليه الفريز يبرد ..

بعد كذا لاتنسين تطفين على اللحم ..

الحين بدأي بهرس البطاطس .. بلي يدك بالزيت "طبعاً تكونين لابسه ( قفازات) " عشان يسهل عليك هرس البطاطس تضيفين له الملح والفلفل الأسود ..

جهزي صينية البايركس ودهنيها بالزيت .. وحطي كمية من البطاطس تغطي الصينية ..

وتدهنين البطاطس بأي جبن سايل تحبين ..

الطبقة الثانية تنثرين اللحم المفروم لحد مايغطي الصينية " لاتحطينه كله لأن راح نحتاجه في الخطوات الجايه"

الطبقة الثالثة .. نقوم بصف قطع من التوست على كل الصينية ..

وندهن الوجه بجبن سايل علشان يتماسك..

يتبعــ’ـ ..

يلزم عليك تسجيل الدخول أولًا لكتابة تعليق.

تسجيل دخول

Silent Night • 16 سنة

الطبقة الرابعة .. نضيف فوق التوست البطاطس المهروس ..

الطبقة الخامسة ..

ننثر اللحم المفروم ..راح يبقى كمية قليلة من البطاطس واللحم .. سوي البطاطس على شكل كرات واحشيها باللحم المفروم صفيها بالصينية .. وبشري فوقه جبن ..

بعد كذا نبدأ بخلط المكونات في الخلاط ..

1 كوب شاي "كريمة خفق" + 1م ك دقيق "طحين" .. 5 م ك "جبن سائل" + 1م ك "زبدة ذايبة" +1 فنجان قهوة "حليب طازج" ..

انا مااتقيد بهذي المقادير .. بس أكثر من مقادير الجبن السائل ..

ونبدأ بالخلط .. لحد ماتتخثر الخلطة ..

ونصبها على الصينية و نرش فوقها بقسماط مطحون " حسب الرغبه".. اخذي ملعقة خشبية واقلبيها وغرزي العود من جميع الجهات يعني علشان الصلصة تنزل لداخل ان شاء الله فهمتوا علي ..

ونشغل الفرن من فوق وتحت .. على نار متوسطة قليلاً ..

وكل شوي شيكي عليها .. إلين ماتتحمر .. من فوق وتحت ..

مالحقت أصورها بنفس اليوم .. كنت مسويتها في يوم ثاني و الحمد لله لحقت اصورها ..

هذي القطعة لأول وحده ترد ..

وهذي لثاني رد ..

..

وألـف صحة و عافيه على قلوبكــم:21: ..

تحيــاتي لكم :cook:..