كيفكم يابنات أخباركم وكيف التجهيزات لشهر رمضان ان شاء الله تمام
اليوم جايبه لكم طريقة المطبق في الفرن أسهل وأسرع من الطريقة المعتاده
فياليت يعجبكم وتستفيدون منه
نبداء في المقادير
شرائح سمبوسة انا هنا استخدمت شرائح المطبق لاني اعدت التطبيق الصور راحت واعدتها
مقادير الحشوة
كيس لحمه مفرومه
4بيضات
حبتين طماطم مقطعه قطع صغيره
نصف حزمة كراث مقطع صغار هنا بالصوره ماكان عندي كراث مافيه بباكستان كراث
ملح +فلفل أسود +بهارات
مقادير الوجه
بيضتين
نصف كاس حليب سائل
ذرة ملح +فلفل أسود
الطريقة
تصف شرائح السمبوسة في الصينية بالطول والعرض مع اخراج نصف الشريحة
كما في الصورة علشان التغطيه بعد وضع الحشوة
تخط مقادير الحشوة مع بعضها
توضع الحشوة على الشرائح في الصينية
ترفع أطراف الشرائخ على الحشوة وتغطى بها
ثم تخلط مقادير الوجه في الخلاط وتصب على الصينية
وتدخل الصينية الفرن بعد ما يتحمر المطبق من الأسفل يحمر من الأعلى
يقطع مربعات ويقدم مع شرائح الليمون وعليكم بالعافيه
