صينية المعمول المميزه عندي تاكلين اصابعك واراها بالصور

السلام عليكم ورحمه الله وبركاته
\
\
\
\
كيفكم حبايبي
هذااول موضوع لي في قسم الحلويات
استفدت منكم كثير فحبيت اني افيدكم اليوم وان شالله اوفق
جبت لكم طريقة معمول الصينيه المميز من جد ماامدح نفسي بس والله ما عمري سويته الا ويطلبوني الناس طريقته والزين فيه انه كل ماطول معك كلما زان طعمه ازين وازين يعني بالامكان تخزينه لفتره اسبوع وكثر شوي
طولت عليكم طبعا سويته عشان مرت اخوي بتاجي وعشان بنروح نملك لاخوي الثاني فحبيت يكون فيه حلا في الشقه بحيث مايحوسنا ولا يحتاج ثلاجه ولذيذ في نفس الوقت <مدحته كثير بس انتو جربوه واحكمو>


المقادير
3اكواب دقيق 1 كوب زيت او سمنه 1كوب سكر 3 بيضات شوي فانيلا 1ملعقه كبير BB

الطريقه
تخلط المقادير ماعداالدقيق في الخلاط ثم تضاف للدقيق وتعجن جيدا
تقسم العجين جزئين بالتساوي
في صينيه مدهونه بالزيت تفرد العجينه حاولي يكون رقيق مايكون سميك والجزء الثاني يوضع في الفريزر
نفرد قرص التمر وعندك الخيار لو بغيتي تعجنين مع التمر اي تكهه
بعدين تجيبين العجينه اللي بالفريزر وتبشرينها ببشارة الجزر على التمر
تدهنين الوجه بالبيض وترشين السمسم والحبه السوداء
يدخل الفرن على نار متوسطه لين ننحمر اطراف الصينيه ولا تستعجلين عليه
حمريه من فوق ولا تتاخرين عليه زيي

اترككم مع الصور

اتمنى يعجبكم وانتظر ردودكم وتطبيقكم