السلام عليكم ورحمة الله وبركاته
اخواتي الغاليات قمت منذ فترة بعرض صينية بامية بالدجاج
واليوم راح اقدم صينية البامية باللحم سهلة جدا وبسرعة بتعمليها
المقادير راح تظهر بالصور
بندورة وبصل حسب الكمية ( انا عملت كيلو بامية ) علشان هيك استخدمت 7 حبات بندورة متوسطة الحجم وبصلتين كبار
ونبرشهم او بتفرميهم ناعم جدا ( بس انا حبيت اسهل على الاخوات اللي مابحبوا الفرم) بس دير بالك على ايدك لاني يوم ما صورت الطبخة برشت ايدي بالغلط ههههه
وطبعا بنقمع البامية وبنغسلها وبنصفيها وبنضعها على البندورة والبصل
نصف كيلو لحمة مقطعة شرحات
وكوب زيت زيتون
نضع ملح وفلفل اسود
ثلاث اكواب ماء
نحرك جيدا
بنحطها على النار اللي فوق حتى تغلي وبنحطها بعدين بالفرن الحار
وبعد ساعتين ذوقي الذ بامية
الف صحة وهنا