(صينية بطاطامع بيض ونقانق(أكلة للعشاء))

السلام عليكم ورحمة الله وبركاته
كيف الحال والأولاد انشاءالله الكل يكون بخير وسلامة عامليتلكم أكلة للعشاء طيبة ومفيدة وحيحبها الكل ان شاءالله

بسم الله نبدأ
المقادير:
9 بيضات كبار
حبتين بطاطا متوسطات
حبة بصل كبيرة
ربع ضمة بقدونس
نقانق أو مرتديلا
رشة فلفل أسود
أنواع من الجبنة ( موتزريلا, شيدر..........الأنواع اللي بتحبيها)

الطريقة :
نقطع البطاطا مكعبات ونقليهم


نضع زيت بصينية تيفال وبنقطع البصلة ونضعها على النار وبنقلبها شوي


ثم بنقطع السجق(نقانق) ونضعها على البصل وبنقلبها شوي ثم بنطفي النار


ثم نضع البطاطا وبنوزعهم منيح بالصينية


بنخفق البيض وبنفرم البقدونس نضعو على البيض ونضع رشة فلفل أسودوملح


ثم نضع البيض على الصينية


ثم نضعها بالفرن حتى تستوي من تحت بنطلعها وبنقطعها ونقلبها على الوجه الثاني


بعدين بنحط الجبنة على كل قطعة بتقدري تحطي نوع على كل قطعة حسب ما بتحبي أو اذا بحبو اولادك نوع معين


بعدين بنرجعها على الفلرن على شان تستوي من تحت

وبتقدميها وبالعافية




لا تنسو أهل غزة والمستضعفين في كل مكان من دعائكم