مـــبــارك عـليـــكم الشـــهـــر الفـــضــيل أعاننا واياكم على صيامه وقيامه..
وكـــل عـــام وانتوا واللي تحبون بخير وصحة..
هذي طريقتي بعمل الحلويات تطلع خفيفة وااااايد ولذيذة جدا بشهادة الكل وترى سهلة وسريعة وااايد ، بس للأسف هالمرة نسيت الصواني بالفرن فاحترقوا شوي :( ، وان شاء الله تعجبكم طريقتي وترى راح ارد اسويهم باذن الله مرة ثانية واوريكم صورها :) ..
المقادير:
علبة جلاش "استخدمت السنبلة"
سمن أو زبدة طرية "أنا استخدمت زبدة يومها"
شوية طحين وماء "صمغ العجين"
مقادير الحشوة "استخدمها للقطايف والمعمول":
1 ك جوز مجروش
1 ك فستق مجروش
1\2 كوب ماء ورد "1\4 كوب لكل خلطة ،وممكن استخدام ماء الزهر أو الاثنين معا"
1 م ك دارسين مطحون ناعم
1 م ك هيل مطحون ناعم
1 م ك زعفران
11\2 ك سكر أسمر أو ابيض مطحون خشن "3\4 ك لكل خلطة وانت وذوقج ممكن تزيدين كمية السكر"
الطريقة:
طريقة حشوة الجوز:
نخلط الجوز والسكر والدارسين والهيل و1\2 كمية الزعفران و1\4 ك ماء ورد..
طريقة حشوة الفستق:
نخلط الفستق والسكر و1\2 م ك الزعفران و1\4 ك ماء ورد..
يـتـبـع :)..
طريقة السمبوسة الحلوة:
قطعي اوراق الجلاش الى شرائط بعرض اصبعين وباين العرض من الصورة..
لفي طرفها وخليها تصير كأنها جيب..
ضعي الحشوة يهالجيب ..
كملي لفها بالطريقة المعتادة ووقفي لف بمجرد ما تتغطى كل الحشوة ولصقي طرفها بصمغ العجين "بس لاتكثرين لف كل ما خليتيها ارق وطبقاتها اخف طلعت احلى والذ وتطلع مقرمشة"..
يـتـبـع :)..