ارحبي
يالله حيها
اقلطي
وش اخبارك :talker:
اخش عالموضوع بس :S_45:
المهم سويت حلى عشاء صينيه تاخذ تاخذ العقل بس الصراحه انا كنت متردده وخايفه وقلت يمكن ما تعجبهم
بس الحمد لله كانت النتايج مرضيه:icon31:
المقادير:
كيك امريكانا بالشوكولاته 10ر.س
دريم ويب 9 ر.س
علبتين قشطه صغير 6 ر.س
نص فنجال حليب سائل ببلاش
كرتون بسكويت دايجستف الصغير 6 ر.س
6 مغلفات سنكرس الصغير 6ر.س
(الطبقة الاولى )
كيك امريكانا بالشوكولاته قطعيه ورصيه في صينيه كطبقه سفليه (بإمكانك تفتتينه وترصينه)
(الطبقة الثانية)
في زبديه ثلاث ظروف دريم ويب ونص فنجال شاهي حليب بارد (لا تخلين الحليب مخفف مره يعني حطي ثلاث ارباع ملعقة كبيرة)
اخلطيه بالخلاط او المضرب اليدوي لين يتجانس بعدين حطي قشطه التاج الصغيره بالملعقه شوي شوي لين تخلصينها
واخفقي خمس دقايق
ثم صبيها عالكيك كطبقه ثانية
(الطبقة الثالثة)
رصي بسكويت دايجستف عالطبقة الثانيه بدون ما تغمسينه في حليب ولاشي ثم دخليه الفريز
(الطبقة الرابعة)
في حمام مائي حطي 6حبات سنكرس الصغير لين يذوب ثم اضيفي علبة قشطه
وحركي ثم صبيها على وجه الحلى ودخليه الفريز ساعتين تقريبا
وتلذذي بالطعم الرهييييييييييييييييييييييييييييييييييييييييييييييييييييييييييييييييييييييييييييييييييييييييييب:p
ملاحظة:
ادري قهر انو مافيه صور بس والله ماعرف انزل الصور ياريت احد يعلمني كيف :unsure::unsure::unsure::unsure::unsure:
ادعولي ولوالدي ولجميع المسلمين والمسلمات الاحياء منهم والاموات
ام قرنين.. @am_krnyn_2
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة