السلام عليكم ورحمة الله وبركاته
صباح/مساءكم كله خير ورضا من الرحمن
أخواتي أنا دايما أتابع ابداعاتكم في هذا القسم وحبيت اني أشارك معاكم بطبخة أتمنى انكم تجربوها لأنها فعلا لذيذة<<<مش دعايةههههه
الخضار (كوسا باذنجان بطاطس فاصوليا)مقطعة بالطريقة الي تحبيها أنا أفضل المكعبات المتوسطة الحجم
المهم نقليها في زيت غزير كل نوع لوحدة وبعد كذا نحطها في صفاية ونصب عليها ماء ساخن ونصفيها كويس ونخليها على جنب
نسلق كمية من المكرونة أقل شوية من كمية الخضار بماء وملح وزيت وماجي
وبعد ماتجهز نصفيها ونحطها في صينية ونوزع عليها الخضار
نجي للصلصة الي هي السر في الطبخة ..
حطي في الخلاط هذي المقادير :
2 كأس ماء
6 ملاعق أكل دقيق
4ملاعق أكل حليب
3 ملاعق جبن كاسات
3 ملاعق مايونيز<<ممكن الاستغناء عنه
علبة قشطة
ربع قالب زبدة/مكعب ماجي/فلفل أسود مطحون /ملح
وأخلطيها
نحط في قدر شوية زيت على النار ونضيف الخلطة ونقلبها باستمرارلحد ما تثقل وتسير زي المهلبية وماتكون النارعاليةبعد كذا نصبها على الخضار والمكرونة بالتساوي وندخلها الفرن من تحت ثلث ساعة ومن فوق شوية لحد مانشوف انها تماسكت ومو شرط نخليها تتحمر كثير
وبالعافية عليكم
أعتذر اني مانزلت صور لأني لسه أمية :35:
وان شاء الله بنتي تفضى وتعلمني بس بجد أتمنى تجربوها وتعجبكم
ولا تنسوني من دعواتكم الطيبة الي تعجبها الطبخة ولي ماتعجبها ولكم بالمثل
تووووفي ..لك @toooofy_lk
كبيرة محررات
يلزم عليك تسجيل الدخول أولًا لكتابة تعليق.
أم هشام2020
•
ميرسسسي ياقمر وان شاء الله اجربها
الصفحة الأخيرة