================
اخواتي الحبيبات اليوم سويت صينية الخضار بكريمة الخفق وحبيت انكم تجربون طبقي المتواضع وان شاء الله يعجبكم
بسم الله لاقوة الا بالله
المقادير
1- نقطع خضار (كوسه + باذنجان مقروش + بطاطس +
جزر )ممكن تستخدمي 3حبات من كل نوع وتقطعيها شرائح وتقليها
في الزيت كما في الصورة
2- ناخذ حبه وحدة دجاج وبعد ان نغسلها نسلقها مع ماجي وملح
ثم نخرجها وبعد ان تبرد نفككها ونبعد العضم
3- ناخذ قدر ونضع فيه بصل وثوم وفلفل اخضر بارد وبهارات
وبعدين الطماطم والصلصه ونحركها الى ان تتسبك
4- نضع الدجاج الي قطعناه صغار على الكشنه ثم نضع عليه
الخضار المقليه ونحركهم مع بعض ونغطي عليها ونتركها قليلا الى
ان تتماسك وهذي الصورة
4- وبعد ان تتماسك نصبها في الصينيه
5- نضع كريمه الخفق في قدر ونضع عليه ملح ونتركها على النار
الى ان تغلي وتتماسك
6-نصب كريمة الخفق على الخضار في الصينيه. (اذا ماكان عندك كريمة الخفق ممكن تستبدليها بقشطة ومايونيز وجبن )
بس مع كريمة الخفق بتكون الذ ونزينها بالبقدونس والجبن المبشور
7- وندخلها الفرن وهذي بعد ماطلعتها من الفرن
8- وهذي اول قطعه لاول وحده ترد عليه
وعليكم بالصحه والعافيه
الله يعطيك العافيه