السلام عليكم ورحمة الله وبركاته
أول شي وقبل أكتب طبختي حابة أشكر جميع الطباخات اللي في المنتدى لأني بصراحة تعلمت منهم أشياء كنت فاشلة فيها وخاصة الكبسة لأني بالبداية كنت فاشلة فيها وكان زوجي دايم يسب طبخي ولكن الحين الحمدلله بفضل الله ثم انتم كبستي الحين جناااان وزوجي دايم يمدح فيها ودايم يحرجني عند اهله من كثر مايمدحها ياربي لك الحمد
اليوم وبعد معاناة أنا وزوجي وش نتعشى لأننا أمس صفينا على بيض مسلووق:hahaha:
قلت وش رايك يابوصالح :arb:بصينية خضار بسيطه وماتاخذ وقت قال اهم شي ماتصير دسمه قلت لا ان شالله ماتصير دسمه <<<<<<<<<<< قصة حياتها
ودخلت المطبخ وسميت بالله وبديت....
1- 3 بطاطس مقطعه قطع صغيرة
2- 3 باذنجان مقطعه قطع صغيرة
3- لحم مفروم مطبوخ مع شوي بصل وبهارات وفلفل اسود وشوي ملح وقبل ماينشف حطيت شوي فلفل رومي مقطع صغار مرره
4- قشطه وجبن سايل
الطريقة....
قليت البطاطس والباذنجان ونشفتهم مرره عن الزيت وملحتهم شوي وحطيتهم بصينية الفرن وحطيت فوقهم اللحم المفرووم وخلطتهم مع بعض وبعدين خلطت الجبن مع القشطة وحطيته على الخضار ودخلته الفرن من فوق بس لين يتحمر وبس قدمته مع الخبز وبصراحة ابو صالح مدحها عوافي على قلبه
ومعليش جوالي تصويرة غبي والا كنت ناويه احطلكم صورة
ومابي الا دعواتكم بتسهيل ولادتي:44:
وسام الحزن @osam_alhzn
عضوة نشيطة
يلزم عليك تسجيل الدخول أولًا لكتابة تعليق.
عطرالكلام
•
يسلموووووووووووووو الايادي .......
الصفحة الأخيرة