هذي اول مشاركة لي في منتداكم:27: اللي بصراحة شدني ان اسجل فيه واكون عضوة مع بنات حواء المتميزات....
اليوم حبيباتي عملت صينية خضار بالكريمة من إبتكاري:cook: وبصراحة طلعت مرة لذيذة وحبيت ان افيدكم للي حابة تطبقها....
واليكم المقادير //
خضار مشكلة ( كوسة -جزر - بطاطس - ملفوف - فلفل رومي )
وهذي راح تكون الطبقة الأولى ...
طبعا ً نقطعها ونحط في قدر بصل مقطع ونحمسه في شوي زيت ... بعدها نضيف الخضار ونقلبها زين ثم نضيف عليها الملح والبهارات وشوي ملون طعام أصفر عشان نحصل عا اللون الأصفر ونغطيها بالموية الساخنة ونتركها لحد ما تستوي و تنشف مويتها
نجي للطبقة الثانية //
عبارة عن صدور دجاج مسلوقة ومقطعة صغير ... نسوي تكشينة عادية بصل وثوم وزيت وطماطم ونضيف عليها الدجاج ونغطي عليها لحد ما تستوي
نجي للطبقة الثالثة//
وهي عبارة عن علبة كريمة الخفق + 2 ملعقة نشا + شوي ملح + ربع كوب ماء ساخن
وهذي صورة الكريمة للي مو عارفة شكلها
نحط النشاء في شوية ماء لحد ما يذوب وبعدين نصبه على كريمة الخفق ونحط الملح ونصب الموية المغلية ونرفعها على النار الى ان تغلي .... اول ما تبدأ بالغليان نقلل النار عليها ونتركها تغلي على نار وااااااطية
في الفترة اللي تغلي فيها الكريمة
نجهز الصينية نحط الطبقة الأولى الخضار بعد ما نشفت الموية منها تماماً
نحط الطبقة الثانية وهي الدجاج
نجي للطبقة الأخيرة وهي الكريمة البيضاء
بإمكانك تزيينها بالزينة اللي تحبي وانا هنا زينتها بالزيتون والسماق
بعدين تدخلينها الفرن من فوق تقريباً ربع ساعة بس حاولي ما تتركينها تتحمر كثير عشان الشكل الأبيض ما يخرب وتقدم مع الخبز
طبعاً الحلو فيها انها لمى تتقطع تكون الطبقة اللي اسفل أصفر فوقها احمر وآخر شي ابيض وسامحوني ما صورتها يوم قطعتها بس والله نسيت
والف صحة وعافية ....
تسلم يدك
اول مرة اشوف زيتون على صينية خضار :)
بالعافية