مراحب
اليوم سويت لابو الشباب :arb: صينية بطاطس بالدجاج ( تدرون ماعندي غيره اسوي تجاربي عليه :hahaha: الله يحفظه لي يارب )
هذي الصورة
المقادير
دجاجة مقطعة اربع قطع ( هذي المرة مانزعت الجلد عشان يتقمر ويصير طعمه حلو )
2 بصلة - 2 طماطم - 2 فلفل رومي - 2 بطاطس - 2 جزر ( كلها مقطعة شرايح بس البطاطس قطعت وحدة شرايح ووحدة أصابع )
فلفل حار
* تتبل قطع الدجاج بعد غسلها ونقعها بالليمون والخل بالتتبيلة التالية ( كاري - كركم - كمون - فلفل اسود - كزبرة ناشفة )
* الخلطة : في الخلاط ( حبة طماطم - ملعقة كبيرة كتشب - ملعقة كبيرة صويا - ملعقة كبيرة صلصة او معجون طماطم - ليمونة - ملعقة صغيرة خل - ملح - ماجي - كزبرة طازجة - نص كاسة موية - 2ملعقة كبيرة زبادي<<< "هذا سر الطعم الخطير " )
الطريقة
1- ادهني الصينية بشوية زيت
2- اعملي طبقات بنصف كمية الخضار ( البصل - الفلفل الرومي - الطماطم البطاطس - الجزر
3- ضعي قطع الدجاج
4- اعملي صبقة بالنصف الاخر من الخضار وضعي قرن الفلفل الحار من غير تقطيع عشان ما يطلع مرة حار
5- صبي الخلطة على كامل الصينية من فوق
6- غطي الصينية بالقصدير وادخليها الفرن
7- بعد ماتخرجيها رشي من فوق بقدونس وشرايح ليمون
* انا خليتها في الفرن ساعة ونص :time: عند درجة 350 بعدين شلت القصدير وولعت من فوق ربع ساعة او ممكن 10 دقايق عشان تتقمر الدجاج من فوق بس انتبهي لا تنشف وتنحرق:blink:
بالهناء والعافية
لا تنسوني من الدعاء
باين عليها لذيذه
الله يعطيك العافيه اختي