أسعد الله أوقاتكم أخواتي بكل خير وسعاده يارب
من كم يوم سويت لأخواني صينية دجاج بالخضار مع الرز
ومره أعجبتهم فقلت لازم أنزلها لكم حبيباتي
المهم نبدأ بسم الله
أولاً نجهز الدجاج ونغسله ونقطعه أرباع ويتبل بهذي الخلطه
(ملح وفلفل أسود وثوم مفروم وبهارات مشكله ونص ظرف خلطة الكبسة من كنور)
وهذي صوره لمكونات التتبيله
بعدها نجيب صينيه وندهنها بزيت ونضع فيها بالترتيب
(بصل وفلفل بارد وطماطم وكوسه وبطاطس مقطعه شرائح) مثل كذا
بعدها نرص الدجاج عليها ثم نذوب (مكعب ماجي في كأس ماء حار) ونصبه عليها
بعدها تقصدر وتدخل الفرن من تحت ساعه إلا ربع تقريباً
ثم نشيل القصدير ونحمرها.
يتبع لا أحد يرد
وقطعتين صغيره فلفل بارد بزيت حتى تذبل ثم نضيف لها
(معجون طماطم ونصف الظرف من خلطة الكبسة وبهارات مشكله ومكعب ماجيى وملح وفلفل أسود وشوي ماء)
ونخليها تتسبك شوي بهالشكل
بعدها نضيف الرز بعد غسله ونقعه طبعاً ثم نضيف له ماء مغلي
ونوزن ملحه ونضيف الفلفل الحار
نرفع النار عليه حتى تبدأ تنشف مويته بهذا الشكل
ثم نوطي النار مرررره ونغطيه حتى يستوي.
في هالوقت نجهز الكشنه نقطع بصل شرائح ثم يحمس بزيت
بعد ما يذبل البصل نضيف له شوي بهارات وكركم وملح وفلفل أسود
ونطفي النار عنها وهذا شكلها بعد ما خلصت
وهينا الدجاجه بعد ما أستوت شوفوا شكلها كيف
جاء وقت التقديم نغرف الرز ونحط الدجاج ونزين وجه الرز بالكشنه والليمون,
والخضار نغرفها لحالها وهذي الصوره بعد ماغرفته
وهذي صوره ثانيه
زووووووووم أكثر
وهذي الخضار
وأعذروني على الصور بعضها ماهي واضحه لأني والله كنت مستعجله
وبالأخير ما أبغى إلا دعوه حلوه منكم حبيباتي تنسيني تعبي
لأني من ساعه وأنا أكتب الموضوع وأنزل الصور
أترككم بحفظ الله ورعايته