السلام عليكم ورحمة الله وبركاته....:26:
كيف الحال حبيبات قلبي انشاء بألف صحه وعافيه...
اليوم جايه لكم ومعي طبق من تأليفي بتاكلوا صوابعكم وراه بس الله الله بالردود يعني بالعربي الفصيح ما ابغى تطنيش خخخخخخخخخخ متعوده على التطنيش...هذي الكميه تكفي لثلاث اشخاص بأصغر صينيه بايركس..:cool:
بسم الله نبدء:
حبيباتي في هذا الطبق بنحتاج 4بطاطسات مقطعات على شكل مكعبات صغيره ومقليه...
وبعد نحتاج لثلاث حبات كوسه مقطعه مكعبات ومقليه..
وبنحتج 3حبات باذنجان مقطعة مكعبات ومقليه ..بعد قليهم اخلطيهم مع بعض وخليهم..:23:
**اسلقي صدور دجاج وبعدين نتفيها تنتيف ناعم وبتكوني باشره جزره ...
بعد التنتيف بتحتاجين لشوي زيت احمسي معه البصل مع شوية فلفل اسود وشوية كركم وشوية كمون وبعدين اضيفي الدجاج واحمسيه معهم واخر شئ حطي البهارات والجزر المبشوروذوقي الملح ان كانه محتاج زيدي شوية ...:22:
اللحين صفي شوي دجاج بأسفل الصينيه وحطي فوقه شوي خضارمن اللي قليناهم قبل وعلى هذا الحال شوي دجاج وشوي خضار لحد ما ينتهي المقدار والافضل ان النهايه يعني الطبقه اللي بتصير في وجه الصينيه من الدجاج..:o
وين وين ترا تونا ما خلصنا ...:cook:
اللحين خذي 3فصوص ثوم ودقيهم او ابشريهم على راحتك وحطيهم بباديه صغيره واضيفي لهم 3 او4ملاعق مايونيز وشوية عصير ليمون اخلطيهم زين مع الثوم وذوقي انا احب حموضة الليمون شوي واضحه مو مره بس تحسين بطعم الليمونه ..:mex:
**اللحين بعد ماخلصنا من الثوم ندهن وجه الصينيه فيه بعدين ندخله شويه للفرن شوي بس لين ما تشوفين طبقة الثوم شوي جمدت وصار لونها يميل للون الاشقر طلعيها من الفرن وقدميها مع الخبز وبيصير طعمها ممممممممممممممم يهبل...:p:32::o
ترا والله والله ماراح تندمي وهذي بشهادة كل من ذاقهاخخخخخخ وحده واثقه من نفسها مره..:o:p:32:
بس الله الله بأتجربه والدعاء لي وصديقتي بالذريه الصالحه عاجل غير اجل....
loooosy @loooosy
عضوة نشيطة
يلزم عليك تسجيل الدخول أولًا لكتابة تعليق.
ورودالدار
•
تسلم الأياادي ...نفس طريقتي بس بدل الثوم والمايونيز أحط جبن وقشطة
تسلم الأنامل الحلوة
وبالفعل هو رااااااااااائع جداً
وأحيانا أعمله وجبة عشـــــاء
أختك / أرجـــــوان 2005
وبالفعل هو رااااااااااائع جداً
وأحيانا أعمله وجبة عشـــــاء
أختك / أرجـــــوان 2005
الصفحة الأخيرة