كيفكم بنات ؟؟
هذا أول موضوع لي في هالقسم و أول مرة أنزل موضوع عن طبخة مصورة
و هالطبخة أول مرة سويها
كنت أدور صالونة الدجاج في النت , وبعدين قلت ليش ما أسويها صينية ؟؟
ومن الحمااااااس صورت الخطوات و قلت اذا طلعت لذيذة ماراح أبخل على خواتي بنات حواء بالطريقة
و الحمدلله طلعت رووووووعة و من أحلى الطبخات اللي سويتها و عجبت زوجي جداااااااااا
ضحيت بنومة الصبح لعيونكم :32:
طبعا أنا متعودة أشتكي لكم .... كنت أبكي قبل شوي :06: لأني كتبت الموضوع مع روابط الصور يمكن اربع مرات و كل مرة يطيييييير و الله بغيت أكسر الجهاز و أدخل أنام من القهر ... بس قلت لاااااااااااااا لازم أفيد خواتي بنات حواء مثل ما استفدت منهم ...
بصراحة ما توقعت موضوع الصور متعب لهالدرجة !! الله يعطيهم العافية البنات اللي ما يقصرون بالطبخات المصورة ...
راح ابتدي بالطريقة و معها المقادير بالصور
صينية الدجاج بالخضار و صلصة الطماطم:cook:
الطريقة و المقادير بالصور
في الخلاط نحط ( أربع حبات طماطم , نصف علبة صلصة طماطم , ثلاث فصوص ثوم , قطعة زنجبيل , حبة صغيرة فلفل حار , نصف كوب كزبرة , ملعقة خل , ملعقة زعتر بري (أورغانو) , عصير ليمونة ,ملعقة صويا صوص , ملعقة صغيرة دبس الرمان , ملح , فلفل اسود , ورقة غار , رشة خفيفة قرفة ,رشة ليمون اسود مطحون , ملعقة كمون مطحون, ملعقة بهار مشكل مطحون) و نضيف عليهم كوب ماء عشان الخليط ما يكون كثيف ..
ألحين جا دورالدجاجة ... نقطعها ست قطع و نشيل الجلد و نغسلها بالماء و الخل و بعدين ندعكها بالطحين عشان تروح ريحة الزفرة منها
نغسل الطحين عنها و بعدين ندعكها بكركم و شوية بهار مشكل
نقليها في الزيت للتحمير فقط من الجهتين , يعني تقريبا ثلاث دقائق لكل جهة
و هاذي الدجاجة بعد التحمير
و ألحين نجي للخضروات اللي تكوني محضرتها و مجهزتها للقلي بعد الدجاج ... (بطاطس , كوسا , جزر , قرنبيط , فاصوليا أعواد ) الكوسا والجزر قطعتهم اصابع و البطاطس عندي من النوع الصغير ما قطعتها ... و طبعا طريقة التقطيع حسب رغبتك ...
نشوح الخضروات في نفس الزيت اللي حمرنا فيه الدجاج مع التقليب ومو ضروري تتحمر بس خليها تذبل شوي يعني تقريبا أربع دقائق مع التحريك ...
و هاذي الخضروات بعد ما قلبناها في الزيت
نجيب باذنجانة و نقشرها نصف تقشير ونقطعها و نحمرها في الزيت
نحمر أربع حبات بصل حجم متوسط مقطعة جوانح في زيت قليل
نضيف الصلصة اللي في الخلاط الى البصل , و نضيف عليهم ( حبة لومي أسود , ورقتين غار , أربع حبات هيل , عود قرفة ) و نخلي الصلصة توصل لدرجة الغليان بعدين نطفي عنها ...