مالكم بطويله
تاخذين صينية فرن ماهو قزاز وتقطعين الدجاج قطع متوسطه وتغسلينه وتحطينه في الصينيه
بعدها تقطعين بصله وفلفل رومي و2 طماطم قطع كباروفص ثوم تقطعينه صغير وتعصرين نص ليمونه عليهم وتحطين كمون وشوية فلفل اسود لاتكثرين وملح ورشي عليه صفار زعفران وفنجال شاهي زيت وابدي بتقليب الدجاج ترا اعطيكم مقادير دجاجتين انتي وذوقك في زيادة ونقص المقادير
صبي شوية مويه ربع الصينيه وغطيه بقصديروخليه لين تشوفين المويه بدت تنشف بعدها شيلي القصدير وخليه لين يتحمر من تحت طفي عليه من تحت وولعي من فوق وخليه يتحمر وسوي رز ابيض معه بألف عافيه
